М.Жұмабаев атындағы №39 гимназияда Отбасы күніне арналған тақырыптық стендтар жасалынып, мектеп кітапханасында көрме ұйымдастырылып, «Отбасылық құндылықтар», «Менің отбасым», «Ерекше отбасы», «Толағай» сияқты сайыстар  өткізілді. Отбасы күнінің басты мақсаты  - адам тәрбиелеуде үлгі болатын әдет-ғұрыптарды білгізуге жағдай жасау, имандылыққа, адами қасиеттерді сыйлай білуге дағдылау. Бұл іс-шараға  мектептің 1-11 сыныптары белсене қатысты.. Әр сынып бөлмелерінде «Отбасылық құндылықтар» атты өнеге сағаты өткізіліп,  отбасы - бұл қоғамдық тәрбиенің бір бөлігі, оқыту мен тәрбие жұмысындағы мектептің одақтасы екендігі айтылып өтті. Ол бала тәрбиесі жөнінде мектеппен тығыз байланысты екендігі жайлы оқушылар толық мәлімет алды. Отбасындағы басты мәселелердің бірі - баланың тіршілік әрекетін қалыптастыру, баланың тәртібі, міндеттері, оқу тәртібі, бос уақытын ұйымдастыру  үшін  «Ерекше отбасы»  атты  5-9 сыныптар арасында шығармалар, эссе, ой –толғаулар сайысын өткізді.  Мектеп спорт залында отбасылық «Толағай» сайысына 1-11 сыныптар мен ата-аналары қатысты. Соңынан отбасы тәрбиесі жайында психологтар  әр ата-аналармен  жеке консультация жүргізіп, анкеталық сұрақтармен жұмыс жасады. Отбасы күніне арналған іс-шараға қатысқан барлық сыныптар мен ата-аналарға алғыс хат беріліп, құттықтау сөз жолданды.