Мектеп жанындағы «Арай» лагері өзінің алдына міндеттер мен мақсаттарын белгілеп, бағдарлама  негізінде жұмыс  жоспарлары жасалынды.  Лагерьдің алғашқы күнінде «Сәлем, саған Арай» тақырыбында іс-шаралар ұйымдастырылып, «Арай» лагерінің ашылуына арналған салтанатты  жиыны өткізіліп,  лагерь басшысы әр топқа күнделікті жоспар бойынша  өткізілетін шаралар жарыс түрінде өткізілетіндігін және беслене қатысқан топтың жүлделі орынға ие болатындығын айтты.  Шара соңы асфальтта сурет салу байқауымен жалғасты.ҚР Мемлекеттік рәміздер күніне орай  «Рәміздер- тәуелсіздік белгісі» атты тәрбие сағаты ұйымдастырылып, «Менің қиялымдағы Рәміздер» сурет көрмесі өтті. Әр түрлі топтық сайыстар болды. Атап айтатын болсақ «Жұмбақтар әлемінде», «Денсаулық зор байлық», «Мың бір мақал, жүз бір жұмбақ», т.б.Әр топқа «Сахна төрінде» атты  тапсырылған ертегілерді көрініс түрінде көрсетіп, сайыс қызықты әрі көтеріңкі көңіл-күйде өтті.

«Арай» лагері балалардың жазғы мезгілінде уақыттарын тиімді пайдалану, балалармен әртүрлі бағыттағы мәдени- көпшілік іс- шараларды ұйымдастыру мақсатында музей, көрме сияқты мәдениет ошақтарын көріп- білуге лагерь  аймағынан тыс жерлерге жорықтар ұйымдастырылды. Балалар «Жануарлар әлемі» саябағына, «Бегемот» ойын-сауық орталығы, Қалалық орталық паркі, «Сарыарқа» кинотеатрына барып, көңілді демалды. Балалар мен жасжеткіншектер сарайында орналасқан бассейіні балалардың қызығушылықтарын арттыра түсті. Сонымен қатар дене тәрбиесі мұғалімері оқушылар арасында спорттық ойындардан жарыстар өткізіп, жеңімпаздарды анықтап, марапаттады. Лагерьдің салтанатты жабылу рәсімінде үш топтың ішінде «Зымыран» тобының жеңіске жетіп, І ауысымда «Ең үздік» топ деген атқа ие болып,  мақтау қағазымен марапатталды. Мерекелік шара би кешімен және табиғат аясындағы отырыспен аяқталды.