Кәсіптік бағдар беру жұмысы бүгінгі таңда ең өзекті тақырып, себебі Жаңа Қазақстан негізін қалыптастыратын болашақ дарын жастары біздің ортада білім мен тәрбиені ұштастырып интеграцияланған дағдыны заманның сұранысына қарай орындауға жұмыс жасау бәріміздің басты міндетіміз. Осы орайда гимназиямыздың үштік одағы бірлескен жұмыс жоспарын құрды. Мектеп жасындағы жасөспірімдерге өзінің болашағын таңдауға келгенде көп ықпал ететін ата-ана, ұстазбен қатар мектеп психологтары да өз үлестерін тигізеді. Басты мақсат негізгі білімді аяқтайтын түлектерді үлкен өмірге қанаттандыруда өз жолы мен мамандығын дұрыс таңдауға көмектесу.

Мамандық таңдау бұл адам өміріндегі маңызды, қиын және жауапты қадам. Оқушыларға кәсіби бағдар беру және болашақ мамандығын анықтап алуға ықпал жасау- мектеп алдында тұрған міндеттердің бірі.Сол себепті қазіргі таңда түлектерге кәсіби бағдар ұсынып, кеңес айту үлкен маңызға ие.

 Осыған орай гимназия қабырғасында өткен ата-аналар жиналысында оқушыларға болашақ мамандық таңдауға көмектесу және пайдалы мамандық туралы көзқарастарын дамыту үшін Халықаралық стандарттарға сай Назарбаев Университетінде «Ашық есік» күні болатыны жайлы гимназимыздың профориентаторы Қазтаева Ардақты Теміргалықызы кәсіби бағдар жұмыстарын жүргізіп, ақпарат берген болатын. 

Берілген ақпарат негізінде «Ашық есік» күніне гимназиямыздың 10-шы сынып оқушылары ата-аналарымен бірге барып, танысып келді. Назарбаев Университетіне түсу үшін қажетті жинайтын құжаттар мен сертификаттарды анықтап, университет ішіндегі мүмкіншіліктер, студенттерге арналған клубтар, сапалы білім жайлы тереңірек ақпарат алды. Оқушылар мен ата-аналар үлкен мотивация алып, өздеріне қажетті сұрақтарға жауаптарын алды.