«Экология және тұрақты даму. Туған жердің экологиялық мәселелері» тақырыбында жас маман Тұрар Бауыржан Қожатайұлының бастамасымен ашық сабақ өткізілді. Сабақ барысында Қазақстан Республикасының Қызыл кітабының маңыздылығын анықтап, ұғындыру және Қызыл кітапқа енетін жануарлар мен өсімдіктерді таныстыра отыра, оқушылардың бойына экософиялық құндылықтарды дарытуға бағытталған шаралар атқарылды. Ашық сабақты өткізу кезінде оқытушы тарапынан АКТ-ды – қолдану арқылы «quizizz» платформасында интеллектуалды ойын, тақырып бойынша презентациялау, және «өрмекші» әдісін қолдану арқылы топтық жұмыстар жасалынды. Сонымен қатар оқушыларға «Киіктің қасиеті» атты экософиялық фильм көрсетілді.
Жалпы сабақтың негізгі мақсаттары толықтай игерілді, мұғалім мен оқушының байланысы жоғарғы деңгейде сақталды. Сабақ бойы оқушылар түрлі тапсырмаларды орындауда белсенділік көрсетті.