15 сәуір күні "Оқушылар сарайы" ғимаратында Балалар жылы аясында ұйымдастырылған оқушыларды кәсіптік бағдарлау бойынша «Болашаққа жолдама» атты форум өтті.
Іс-шараға 300-ден астам педагог, оқушылар мен студенттер қатысты. Төрт секциялық алаң аясында кәсіптік бағдар беру бойынша үздік жобалар таныстырылды және байқаулардың қорытындылары шығарылды.
«Үздік авторлық бағдарлама» бағыты бойынша қазақ тілі мен әдебиет пәні мұғалімі Альжанова Мөлдір Жаксыбаевна үздік деп танылған "Жас блогер-журналист" бағдарламасын қорғады.
Үздік кәсіби бағдар беруші "Педагогикалық сынып" жобасын Сыздыкова Эльмира Каргабаевна,
"Медициналық сынып" жобасын Ақторғаева Айгүл Төлепбергеновна таныстырып, жұмыстарын ұсынды.
Жас тілші Арсанат Тұрсынбай "Журналистика сыныбы" жобасының жұмысын, "Мағжан" журналының таныстырылымын жасады.
«Жаңа мамандықтар атласы», «Оқушылардың үздік бизнес стартап жобалары» бағыттары бойынша байқаулар өткізілді. "Жас блогер" жобасының жетекшісі Баспакова Рауан Бұғыбайқызы форум ұйымдастырушыларымен сұхбат жүргізді.