Араға бірер күн салып адамзат өз тарихындағы қаһарлы соғыстағы Жеңістің 68 жылдық мерекесін тойламақ. Ұлы Жеңіс Тәуелсіз Мемлекеттер достастығы елдері үшін ғана емес, сонымен қатар әлем халықтары үшін де үлкен оқиға.

Ұлы Отан соғысы Кеңес Одағы халықтарының тарихындағы қасіретті бет қана емес, сонымен қатар ол халықтарымыздың теңдесі жоқ ерлігі мен қажыр қайратының, бірлігінің дәлелі.Осыған орай М.Жұмабаев атындағы №39 гимназиясында 7-9 мамыр еліміздің Отан қорғаушылар  күні және Ұлы Отан соғысының 68 жылдығына   арналған іс- шаралар өтті.      

Оқушылардың бойындағы патриоттық сезімін оята отырып, болашақта отанын қорғауға және туған жерін сүюге, үлкенге құрмет көрсете білуге тәрбиелеу мақсатында мектебімізде «Ерлер – жердің қорғаны,  елдің тұтқасы»тақырыбында әдемі кеш болып өтті.

 Көптен күткен салтанатты күн, зымыраған уақыттың қанатында Жеңістің 68-ші көктемі  келіп, сахна төріне гимназиямыздың  директоры  Базыл Жангелді Сағынтайұлы    ортаға шақырылып, сөз кезегі берілді.

 Директордың сөз кезегінен кейін «Батырым - Бауыржаным» атты жеңіс күніне арналған сахналық көрініс болып, жеңіс жолында құрбан болған аға- апаларымызды 1 минут үнсіздікпен еске алынды.

Ұлы Отан соғысының жеңіспен 68 жылдығына байланысты оқушылардың  өз шығармашылығымен 10 сынып оқушысы  Ғалым Арғын, 6а сынып оқушылары:Жарқынова Жанель, Мукушев Амирхан, Қожахметова Фаризаны ортаға  шақырылып жүрек жарды өлеңдері оқылды.

Гимназиямызға бірнеше жүлдемен оралып жүрген алғашқы әскери дайындығының мұғалімі Жанайдар Қасымжанұлының ұйымдастыруымен құрылған әскери жекпе – жек сайысымен автоматты бұзып жинаудан алдына жан салмайтын 10 сынып оқушылары өз өнерлерін көрсетті.

          Мерекеге тарту ретінде ортаға «Зимняя сказка» байқауының лауреаты 9  сынып оқушысы  Қабкен Мөлдір  « Қазақ елі» әнінін шырқады.

Мереке қарсаңында оқуда және қоғамдық жұмыстарда белсенділік танытқан оқушылар Республикалық біріңғай  «Жас ұлан» және «Жас қыран» жас өспірімдер ұйымына қабылданды. «Жас Ұлан» және «Жас қыран» ұйымына қабылданған оқушыларға туымыз түстес көгілдір галстук және төс белгілерін табыстауға мектеп ұстаздары ортаға шақырылды.

«Еліміздің Отан қорғаушылар  күні және Ұлы Отан соғысының 68 жылдығына» арналған мерекелік кеш, оқушылардың  «Көк тудың желбірегені»  әнімен өз мәресіне жетті.

     «Ер өлсе де еңбегін ел өлтірмес, Неше мың жыл өтсе де тарих білмек» - деп С. Торайғыров жырлағандай бүгінгі өміріміз үшін құрбан болған ерлеріміз ешқашан естен шықпайды, ұмытылмайды.