«БІЛІМНІҢ ШЫҢЫ - ОЛИМПИАДА»
Ақпанның 15-і күні, сағат 16.00-де Қалалық білім бөлімінің жоспарына сәйкес гимназиямызда қазақ тілі мен әдебиет пәні мұғалімдерінің ұйымдастыруымен олимпиадаға нәтижелі дайындау жолдары бойынша қалалық онлайн-семинар өтті. Семинарға қала мектептерінің жүзден аса ұстазы қатысып, тәжірибелік жұмыстарға қатысты.
Білім бөлімінің әдіскері - Айгүл Еркінқызы Қадыр семинар бағдарламасымен таныстырды.
Гимназияның пән олимпиадасындағы жетістіктері жайлы, «ҚАЗАҚСТАННЫҢ 100 ҮЗДІК ОЛИМПИАДА МЕКТЕБІ» тізіміне енудегі жасалған еңбек жайлы гимназия директоры Жалелов Абылай Армияұлы «Білімді ұрпақ – ел болашағы» баяндамасында толыққанды атап өтті.
Директордың оқу ісі жөніндегі орынбасары Өмірбаева Дана Мұратқызы «Оқушыларды пәндік олимпиадаға дайындау жұмысын ұйымдастыру әдістемесі» жұмысымен таныстырды.
Педагог-зерттеуші, қазақ тілі мен әдебиет пәні мұғалімі – Орден Сұрағанқызы «Эссе жазу әдістемесімен» бөлісіп, қатысушылармен тәжірибелік жұмыс жүргізді.
Педагог-сарапшы, қазақ тілі мен әдебиет пәні мұғалімі – Сыздыкова Эльмира Каргабаевна «Көркем шығарманы оқу және шығармашылық дайындық – пәндік олимпиаданың шыңын бағындыруға қажетті ең негізгі критерий» тақырыбындағы жұмысымен бөлісті.
Педагог-зерттеуші, қазақ тілі мен әдебиет пәні мұғалімі – Альжанова Мөлдір Жаксыбаевна «Табысты нәтиже-ұстаз мәртебесі» тақырыпта өзінің іс-тәжірибесімен бөлісті. Республика деңгейінде пән олимпиадасынан оқушыны жүлдегер етудегі нәтижелі жұмысымен таныстырды. Jamboаrd тақтасында «Интервью» әдісі арқылы қатысушылармен кері байланыс жасалып, семинар қорытындыланды.