М.Жұмабаев атындағы №39 гимназиямызда Мағжан Жұмабаевтың 120 жылдығына байланысты мемлекеттік тілдің қолданылу аясын кеңейту, поэзия көгінде жарқырап туған жұлдыз Мағжан Жұмабаевтың шығармашылығын шәкірттерге етене жақын таныстыру, өршіл, рухты өлеңдерінен жігер алуға шақыру әрі насихаттау мақсатында онкүндік болып өтті.

       Арнайы жоспар бойынша 1-11 сыныптарда «М.Жұмабаевтың туғанына 120 жыл» тақырыбында өнеге сағаттары болып, әңгіме жүргізілді. Тарих пәнінің мұғалімі А.Садирбеков 8 - 10 сыныптар арасында «Бұл палата кириллицадан латын әліпбиіне көшуді құптайды» атты дебат ұйымдастырылды. Дебат тартысты әрі өте қызықты дәрежеде өтті.

         Мектеп кітапханасында ақын шығармашылығы бойынша көрме ұйымдастырылды. Сонымен қатар кітапханада математика пәнінің мұғалімдерінің ұйымдастыруымен 5 «Б», 6 «Б», 7 «Б» сыныптарымен бірге «Мағжанның жүрегінің –тынысы жыр» атты оқырмандар конференциясы болып, оқушыларға шағын сыйлық ретінде, ақынның кітаптары тарту етілді.

       Бастауыш сыныптар арасында «Мағжан тану» үйірмесінің шағын көріністер қойылымы болды. Әр сынып жеке - жеке көрініс қойып, өз өнерлерін көрсетті.

            3 «А» сыныбы «Жердің жұмырлығы» , 4 «А» сыныбы «Мысық пен тышқан», 4 «Б» сыныбы «Жылқышының үйінде», 4 «В» сыныбы «Немересі мен әжесі», «Мысық пен ет»  сияқты көріністер көрсетті.

         Мағжанның табиғат лирикасына байланысты биология пәнінің мұғалімі А. Қожа 6-7 сыныптар арасында сайыс өткізді.

           1-7-сынып оқушылары арасында   «Мен жастарға сенемін» атты айдармен  мәнерлеп оқу сайысы, 2-11-сынып оқушылары арасында «Халқын сүйген жүрек» атты шығармалар сайысы болып өтіп, нәтижесі қорытындыланып, оқушылар арнайы грамоталармен марапатталды.

        Онкүндіктің  қорытындысы ретінде  М.Жұмабаевтың 120 жылдығы мен «Қазақ» газетінің 100 жылдығына орай қазақ тілі кафедрасы мен тәрбие ісінің орынбасары Қ.Оспанованың басшылығымен облыстық onlain  конференция өткізілді.