«Атадан жақсы ұл туса, елінің туы болады. Атадан жаман ұл туса көшінің ең соңы болады» деп Қазыбек би атамыз айтып кеткендей, 2012-2013 оқу жылында да « Шырақ»  ата-аналар университетінің екінші отырысы 20 сәуір күні өтті. Университет ректоры бастауыш сынып мұғалімі Ляйла Қайратқызы ата-аналар сұранысы бойынша қазіргі өзекті тақырыптардың бірі  ұл тәрбиесіне арнап «Адал ұл ер боп туса, ел тірегі» деп алған еді. Оған дәріс берушілер  ұл тәрбиесіне  қолдау көрсетіп, белсене ат салысты.

Тақырыптың мақсаты: Ата-аналардың қатысы арқылы ұл балалардың үлкенді құрметтеуге, сыйлауға үйрету. Ұлты мен жұртына адал қызмет ететін ер баланы тәрбиелеу. Халқымыздың әдет-ғұрып, салт-дәстүрі арқылы ұл бала бойындағы адамгершілік қасиеттерді қалыптастыру.                                                                                                                                                

Директор сөзінен кейін директордың тәрбие ісінің меңгерушісі Шайхин А.Т.  «Адал ұл ер боп туса, ел тірегі» тақырыбында баяндама оқып, жас ұрпақ біздің өміріміздің тікелей жалғастырушысы ғана емес, еліміздің мызғымас тірегі, болашағы екенін айта кетті.

            Гимназияның тәжірибелі ұстазы Разахова Салтанат Ерсайновна  осы тақырып бойынша ата-аналармен көзімен  «ситуациялық жағдаяттар» топтық жұмыс  өткізді. Оған қоса Салтанат Ерсайновна  «Ер баланың физиологиялық ерекшеліктері» туралы ата-анаға кеңес берді. Гимназия психологы Эльвира психологиялық сәт өткізіп,  ата-аналардың көңілінен шыға білді.

               Отырысқа ата-аналар белсене қатысып, ризашылықтарын білдірді.