«М.Жұмабаев атындағы гимназиясы» КММ ҚР Тәуелсіздігінің 30 жылдығы аясында 6 -16 желтоқсан аралығында ұйымдастырылған «IGI ISTER  MARAFONY» қайырымдылық акциясы өз мәресіне жетті. Қайырымдылық марафоны дәстүрлі түрде жылда өз жалғасын табуда. Қайырымдылық марафоны  гимназиямызда Әкелер кеңесі, Аналар кеңесі, Қамқоршылық кеңес, «Асыл ана» қоғамдық қоры  арасында үлкен қолдауға ие болып, түрлі қайырымдылық шараларына бастау берді. Әсіресе көпбалалы, адресті әлеуметтік  көмек алатын (АӘК) отбасыларға көмек көрсетілді. Аса қажетті деп аталатын азық-түлік түрлерімен, киім- кешектермен (спорттық киім, куртка, пальто, ұсақ киім кешек,т.б.) қамтамасыз етілді.
Көптеген игілікті істердің жүзеге асуына ықпал еткен жомарт жандар мен  демеушілерге үлкен алғысымызды білдіреміз.
Жасаған игілікті  істеріңіз сауаптан болсын!