4 желтоқсан Қазақстан Республикасы Тәуелсіздігінің 30 жылдығына орай педагогикалық озат іс-тәжірибені, педагог қызметкерлердің инновациялық, шығармашылық тәжірибесін, жетістіктерін тарату мақсатында «Қарағанды қаласының білім бөлімі» ММ мен «Мағжан Жұмабаев атындағы гимназиясы» КММ-нің ұйымдастыруымен «ТӘУЕЛСІЗДІКПЕН ТӨЛ ҚҰРДАС МАҒЖАН МЕКТЕБІ: Ізденіс пен шығармашылыққа толы 30 жыл» атты қалалық іс-шара өтті.
Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты мақаласы негізінде «ТӘУЕЛСІЗДІКПЕН ТӨЛ ҚҰРДАС МАҒЖАН МЕКТЕБІ: Ізденіс пен шығармашылыққа толы 30 жыл» атты дөңгелек үстелінде гимназия директоры Абылай Армияұлы мектеп тарихына тоқталып, бейнеролик арқылы гимназияның жеткен жетістіктеріне шолу жасады. Шараға ББ әдіскерлері, серіктес мектептердің директорлары, құрметті қонақтар қатысып, іс-шараны қала мектептерінің жүзден аса ұстаздары қашықтықтан ZOOM платформасы арқылы тамашалады.