Тәуелсіздіктің 30 жылдық мерей тойына орай  «Тәуелсіздікпен төл құрдас Мағжан мектебі: ізденіс пен  шығармашылыққа толы 30 жыл» атты мерейтой аясында  гимназияның ұстаздары Ақбаева Бақыт Кулжанбековна мен Ошыбаева Зайра Жанузаковнаның ұйымдастыруымен «Мағжан педагогикасы мен  инновация» деген тақырыпта мұғалімдерге арналған коучинг өтті. Мақсаты: М. Жұмабаевтың педагогикалық идеяларын «Әдеби үйірме» стратегиясы арқылы зерттеу, «Педагогика» еңбегінің құндылығын түсіну, педагогикалық идеялары мен жаңартылған білім мазмұны арасындағы үндестігін табу. Гимназия мұғалімдері Қарағанды облысы, Нұра  ауданы Мағжан Жұмабаев атындағы жалпы білім беретін мектеп ұстаздарымен  ZOOM платформасы арқылы М. Жұмабаевтың «Педагогика» еңбегінің негізгі идеялары және оның жаңартылған білім мазмұнымен  үндестігі жайында ойларын ортаға салды.