Қазақстан Республикасы Тәуелсіздігінің 30 жылдығына орай және ұлт ұстазы Ыбырай Алтынсариннің 180 жылдық мерейтойына арналған Ыбырай Алтынсаринді қазақ халқының тарихында және ұлттық мектебінің қалыптасуында терең із қалдырған тұлға ретінде кеңінен таныстырып, өнегелі мұраларын жас ұрпаққа дәріптеу мақсатында «Даланың дара ұстазы» атты мектеп оқушылары арасындағы қалалық Ыбырай оқуы байқауы болып өтті.
«Қарағанды қаласы білім бөлімі» ММ, «Мағжан Жұмабаев атындағы гимназия» КММ, «№45 гимназия» КММ-нің бірігуімен алғаш рет орыс-қазақ сыныбының оқушылары бірдей бақ сынасқан бұл додаға 150 дей оқушы қатысты.
Байқауды білім бөлімінің әдіскері Қадыр Айгүл Еркінқызы ашып беріп, Мағжан гимназиясының директоры Жалелов Абылай Армияұлы құттықтау сөз сөйледі.