Қарағанды облысы ішкі саясат басқармасы «Қоғамдық келісім» КММ ұйымдастыруымен Қазақстан Республикасы Тәуелсіздігінің 30-жылдығына және «Алаш Орда» негізін қалаушы қоғам қайраткерлері Ә.Бөкейханның, Ә.Ермековтың, Ж.Ақбаевтың мерейтойларына арналған «Алаш Орда мемлекеті және Тәуелсіз Қазақстан» атты байқау өткізілген болатын. Байқау Қазақстандық бірегейлік пен қоғамдық келісімді нығайту мен дамыту мақсатында өткізілді. Өткізілген байқаудың қорытындысы бойынша гимназиямыздың информатика пәні мұғалімі Сатжан Карибаевич, физика мұғалімі Жанар Байзаковна мен тарих пәні мұғалімі Сания Камысбаевна жүлделі III орынға ие болып, дипломдармен марапатталды.