✅Қарағанды қаласы білім бөлімінің әдістемелік жоспары негізінде Мағжан Жұмабаев гимназиясы мектеп қабырғасына Назарбаев университеті мамандарын шақырды. Шақыру бойынша, қалалық білім бөлімінің қолдауымен Мағжан гимназиясында «Үш тілде оқыту» атты тәжірибе алмасу арқылы озық әдістерді жетілдіру мақсатында Назарбаев университеті мамандарымен кездесу дөңгелек үстелі өтті.

✅Дөңгелек үстел нәтижесінде
Назарбаев университінен профессор Сайед Абдул Манан «Үштілде білім беру: мәселелері мен болашағы»
Тенбай Сабина Думанқызы «CLIL сабақтарының тәжірибесі»
Мухамедиева Сымбат Елубековна «Кәсіби даму тенденциясы» тақырыбында алгоритмі бойынша Назарбаев университетіндегі үш тілде білім берудегі өздерінің әдіс-тәсілдерімен және университетке оқуға түсу жолдарымен таныстырып, тәжірибе алмасты.
Кері байланыс мақсатында гимназияның химия, биология, информатика және физика мұғалімдері интеграцияланған панорамалық сабақтардың таныстырылымын көрсетті. Таныстырылым барысында «Ұйымдастыру» бөлімін информатика пәні мұғалімі және директордың оқу-ісі жұмысы жөніндегі орынбасары Омаров Сәтжан Кәрібайұлы, «Жаңа сабақ» бөлімін биология пәні мұғалімі Қордабаева Айнұр Атаққызы, «Тәжірибелік» бөлімін жаратылыстану пәні мұғалімі Тұрар Бауыржан Қожатайұлы, «Бекіту» бөлімін Дошакова Жанар Байзаковна және «Кері байланыс» бөлімін химия пәні мұғалімі Сайлау Нұрбахыт Нұрланқызы үштілде берілетін әдісті жаңа формацияда топтамалық әдістер мен озық заманауи ресурстарға сүйене отыра, өткен сабақтарының барысында орындалған жұмыстарының үзіктерін бөлім-бөлім бойынша ыждағатпен көрсетіп, тәжірибе алмасты.
Кездесу нәтижесінде Назарбаев университетінің мамандары болашақта өтетін өздерінің іс-шараларына гимназия ұстаздарын қонақ ретінде шақыратынын және тәжірибе алаңында көргісі келетіндігін атап өтті. Сонымен қатар өз өнімдерін қолданысқа беріп, әдіс-тәсілдер топтамасын қалдырды. Гимназия ұстаздары таныстырған әдіс-тәсілдерін асқан ықыласпен бақылай отыра, жоғары бағалап, оң баға берді және отырыс соңында зор алғысын білдіріп, университет сертификаттарын ұсынды.