Академик Е.А.Бөкетов атындағы Қарағанды Университетінің ректоры, заң ғылымдарының докторы, профессор Н.О.Дулатбековтың   монографиясының негізінде арнайы жастарға арнап дайындалған, "Алаштың ізі Санк-Петербургте" деген  жылжымалы фото-көрме 6 қазанда гимназиямызға қойылды.  Бір аптаға созылытын көрменің оқушылар мен ұстаздар қауымына берері мол деп біліміз.
Көрме жұмыстарын таныстыруға Академик Е.А.Бөкетов атындағы Қарағанды Университетінің проректоры Мейіржан Жакенұлы Сыздықов пен «Тұлғатану» ғылыми-зерттеу орталығының директоры Нурсахан Ахметовна келіп, көрмеге қойылған Алаш зиялыларының өмірі, олардың қазақ халқының болашағы үшін атқарған қызметтері жайлы баяндап берді. Көрменің құрылу тарихы жайлы университеттің проректоры Мейіржан Жакенұлы Сыздықов толық  ақпарат беріп, жылымалы көрменің жұмысы әрі қарай жалғасатыны  туралы айтты.
Кездесуге 11 сынып оқушылары қатысып,  жақсы пікір алмасу болды. Мектеп директоры Абылай Армияұлы, тарихшы ұстаздар фото-көрменің гимназияға арнайы келуіне ризашылықтарын білдірді.
Фото-көрме Тәуелсіздікпен төл құрдас гимназиямызда жыл бойы аталып  өтіп жатқан игі шаралардың жалғасы тәрізді болды.