Халқымыздың ұлы батыры Бауыржан Момышұлы «Ұстаздық — ұлық емес, ұлы қызмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де ұстаз тәрбиелейді… Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да солай ардақтауға міндеттіміз» - деген сөзін ұран еткен гимназия оқушылары «Ұстазым, сізге мың алғыс» атты мерекелік кеш ұйымдастырып, ұстаздарына деген құрметін білдірді. Өз ісіне берілген, жаңалықты жатсынбай қабылдайтын, шәкіртінің жанына нұр құйып, өмірге өзі де бақытты болып, өзгелерді де бақытқа жеткізсем деп жүретін ұстаздардың жөні де, жолы да бөлек.
Осындай жолы мен жөні бөлек аяулы, асыл ұстаздарымызды кәсіби төл мерекемен құттықтаймыз!
Тәуелсіздікпен төл құрдас Мағжан гимназиясының ұстаздары, сіздер біз үшін әрдайымда ұлылықтың, әділдіктің, биік парасат пен адамгершіліктің символысыздар! Сіздердің өмірлік ұстанымдарыңыз- бізді адастырмайтын алтын қазық!
Мәңгілік ел перзенттеріне білім мен тәрбие берудегі жемісті еңбектеріңізге шығармашылық табыс тілейміз!
11-сынып оқушылары
#Ұстазым,сізгемыңалғыс!
#2021-2022