Наурыз-күн мен түннің теңеліп, табиғаттың ерекше бір түрге бөленіп, жаңаратын кезі. Наурыз - ел-жұрттың қаһарлы қыстан аман-есен шығып, бір-бірімен құшақ жайып, емен-жарқын табысатын айы. Наурыз-табиғат атаулының тіріліп, өмірге жаңа құлшыныспен қадам басатын шағы, осы мақсатпен мектебімізде Наурыз мейрамы аталып өтілді.  І қабатта "Наурыз-көктем мен жаңару мейрамы" атты тақырыпта стенд жасалып, шағын көрме ұйымдастырылды, мектеп алды безендірілді. 

      Тәрбиелік мақсатта «Жер ананың тілейтіні тыныштық, Наурызбенен келе берсін ырыс-құт!»  тақырыбында дүйсенбілік саптық жиын болып, 1-11 сыныптар арасында  «Салт-дәстүрім-асыл қазынам» тақырыптарда тәрбие сағаты өтті. 1 сыныптарда Т.М.Бейсембекова және 3 сыныпта Ж.Т. Аукенованың  ұйымдастыруымен наурыз мерекесі ата-аналардың қатысуымен ерекше деңгейде өкізілді. Оқушылар мен ата-аналар Наурыз көженің жасалуы туралы және қазақтың салт-дәстүрлері «Тұсау кесер», «Бесік жырларын» келтіріп, түсіндіре кетті. 4 сынып жетекшілері Қ.Н.Жыланбава және Л.К.Куттыбаеваның ұйымдастыруымен мерекеге арналған көрме болып, ежелгі қазақ халқының ұлттық тағамдардан және ұлттық бұйымдары қойылды.  4 «Б» сынып жетекшісі  Нұхридинова Б.Д. әдет-ғұрып, салт-дәстүрге байланысты оқушылар тақпақ, әндерін айтып, би биледі. Шара соңында  ата-ана  Каженов Макаш Толеубековичқа сөз беріліп, мерекеге арналған құттықтау тілектер айтылды.  5-7 сынып арасында Ж.Б.Абекбаевның ұйымдастыруымен  акт залында  «Наурыз – берекем, наурыз - мерекем !!!»  тақырыбында Ұлыстың Ұлы күніне арналған кеш болып өтті. Оқушылар өз өнерлерін көрсетіп, ұстаздарды мерекемен құттықтады.  Ал жоғарғы 8-10 сыныптар мен ағылшын тілі пәнінің мұғалімі З.Ж.Ошыбаеваның ұйымдастыруымен  наурыз мерекесіне арналған «Наурызнама» интеллектуалды  сайысы болып өтті. Мереке  жақсы деңгейде өтіп, ұстаздар мен оқушылар көтеріңкі көңіл күймен тарасты.

   Әз Наурыздың адам баласын ізгілік пен сыйластыққа, ынтымаққа тәрбиелейтін тереңнен тартар ежелгі қасиетін бойымызға  дарытатын ежелгі мереке. Бәріңізді көктемнің жарқын мерекесі Наурыз мейрамымен шын жүректен құттықтаймыз!

  Наурыз күні ойға алған барлық арман-мұраттарыңыз орындалып, үміттеріңіз ақталуға жазсын!

       Ұлыстың ұлы күні құтты болсын!