Айтыс ــ сонау ықылым замандардан жалғасып келе жатқан халықтық өнеріміз. Қаймағы бұзылмаған қалпы, өз даралығын өзге жұртқа танытып келе жатқан төл мәдениетіміз. Ол халықымыздың өркениетті өмірінен, рухани жан дүниесінен туындап, дамып бүгінге жеткен, сахналық тартыс, актерлік өнер өзара сәйкестік тапқан өнер түріміз. «Жыл басы –  Наурыз»  атты қалалық ақындар айтысы М.Жұмабаев атындағы №39 гимназиясында жоғарғы деңгейде болып өтті. Ұлтымыздың төл өнерін насихаттаған дүбірлі шараға қаламыздың бірқатар ақындары  атсалысты. Сайысқа түскен және  жыр өлкесіне қалам тартып, ақындық өнерге құлай ғашық болған жас буындар, айтыскерлер өз өнерлерін көрсетті. Мығым дайындықпен келген ақындарымыз орамды тіл, әзіл-қалжыңдары арқылы көрермендерді өздеріне тәнті етті. Айтыс өнерінің өрелілігін жалпы жұртқа жарbя етіп, көрермендердің аспанын әнге бөледі. 

Айтыстың негізгі мақсаты

· Болашақ ұрпаққа айтыс өнерін жеткізу,оны одан әрі дамытып, сапалық деңгейін жақсарту үшін өткізілетін дәстүрлі іс-шара ретінде қалыптастыру;

· Шебер сөз құрау мен жоғары деңгейдегі поэзия арқылы мемлекеттік тілдің арнасын кеңейтіп дамыту әрі насихаттау;

·    Талантты, дарынды жас ақындардың ақындық шеберлігінің шыңдалып, көпшілікке танылуына мүмкіндік жасау;

·  Елдегі халықтар достығын, береке-бірлікті және саяси тұрақтылықты дәріптеу;

·  Өскелең ұрпақты отансүйгіштік, рухани-адамгершілік тұрғыда тәрбиелеу.

     Айтысқа  барлығы 26 оқушы қатысып, 13 жұп сайысқа   түсті. Біздің гимназиямыздан 2 оқушы яғни, 10 «А» сыныбының оқушысы Ғалым Арғын мен 10 «Б» сыныбының оқушысы Рыспай Қамқор сайысқа түсті.

    Айтыс соңында әділқазілар алқасы әділ бағалау жүргізді. Айтыс өз мәресіне жетіп  бас жүлдені гимназиямыздың 10 «А» сынып оқушысы Ғалым Арғын иеленсе, 1-орынды  Ботбай Доскей Дарын мектебі, 2-орын  №65 мектеп  оқушысы Әділов Мухтар  және №8 мектеп оқушысы  Хойчвай Құрманға бұйырды. Жүлдегерлерді және айтысқа қатысқан барлық ақындарды құттықтап, ақындарымызға дәреже бойынша марапат көрсетілді.  Жүлделі орынға ие болған Арғынды мектеп  ұстаздары бас жүлдесімен  құттықтап, алдағы уақытта Арғынның мықты ақын атанарына  сенімін білдірді.