19.08.2021. Нұр-Сұлтан қаласы, «Қазмедиа» орталығында  «Білім және ғылым – елдің тұрақты дамуының кепілі» тақырыбындағы педагогтердің Республикалық тамыз конференциясы болып өтті. Конференцияда ҚР Білім және ғылым министрі Асхат Аймағамбетов өткен оқу жылдарындағы қиындықтар мен жетістіктерге тоқталып, алдағы жоспарлар туралы сөз қозғады. Сондай-ақ, Білім беру және дағдылар департаментінің директоры Андреас Шлейкер, «НЗМ» дербес білім беру ұйымының басқарма төрайымы Күләш Шәмшидинова, Ы.Алтынсарин атындағы Ұлттық білім академиясының президенті Ғани Бейсембаев сынды тұлғалар білім беру саласындағы өзекті мәселелер жайлы өз ойларын ортаға салды.Конференция соңында үздіктер марапатталды. Әріптесіміз Орден Сұрағанқызы білім беру саласындағы ерекше еңбегі үшін «ҚАЗАҚСТАН РЕСПУБЛИКАСЫНЫҢ БІЛІМ БЕРУ ІСІНІҢ ҚҰРМЕТТІ ҚЫЗМЕТКЕРІ» белгісімен марапатталды.

Құрметті Орден Сұрағанқызы! Марапатыңызбен құттықтаймыз! Еңбегіңізге табыс тілеп, қызметте абырой биігінен көріне беруіңізге тілектеспіз! Деніңізге саулық, мерейіңіз үстем, мәртебеңіз биік болсын!