Қазақстан Республикасы Тәуелсіздігінің 30 жылдығына орай «Рухани жаңғыру» бағдарламасының «Қазақстанның киелі жерлерінің географиясы» арнайы жобасы аясында Қарағанды облысы «Рухани жаңғыру» өңірлік жобалық кеңсесі мен Қарағанды облысы мәдениет, архивтер және құжаттама басқармасының ұйымдастыруымен 21 маусым күні Талды кентіндегі «Қаражартас» қорымына экспедицияға гимназиямыздың 10-сынып оқушылары Тұрсынбай Арсанат, Баяндина Әуен, Елемесов Алмас және тарих пәні мұғалімі Хасенова Б.О. барып қайтты.
Құрамы 32 нысаннан тұратын «Қаражартас» қорымы Беғазы-Дәндібай мәдениетінің аса жарқын ескерткіштерінің бірі болып табылады. 2016-2017 жылдары А.З.Бейсенов және И.А.Кукушкин жетекшілігімен кесене мен жерлеу орындарына зерттеу жұмыстары жүргізіліп, қайта қалпына келтірілген. Оқушыларымыз архелогтардың қазба жұмыстарының сәтіне куә болып, археология саласына қызығушылықтарын танытты.
