Көктемнің шуақты күндерінің басында, ең алғашқы мейрамдардың бірі ол - халықаралық әйелдер күні. Әйел — бiр қолымен әлемдi, бiр қолымен бесiктi тербеткен қасиеттi жан. 

  Халқымыз қашан да осы қасиетi үшiн әйел-аналарды аса құрметтеген. Тарихта ел үшiн, жер үшiн намысты қолдан бермеген әйелдер аз болмаған. Өйткенi, Ананың болашағы — елiмiздiң болашағы. Осыған орай мектебімізде халықаралық әйелдер күніне арналаған «Сыйынар ем ана деген тәңірге..» атты мерекелік кеш болып өтті.   Кешіміз гимназиямыздың мың бұрала билеген Шолпан би ансамблінің сұлу да, сымбатты қыздарының биімен басталды. Көрікті ұстаздарымыз бен сұлу қыздарымызды құттықтау, әрі марапаттау үшін мектебіміздің тірегі, әрі басшысы Жанкелді Базыл Сағынтайұлына сөз кезегі беріліп, кеш оқушылардың  әр кафедра ұстаздарына арнаған өнерлерін көрсетумен жалғасты...

    Поэзияны сүйетін, ақын жанды, сөз құдіретін ұғынып, сөзді-сөзге жалғап, өлең өретін, гимназиямыздың белді де белгелі ақындарының бірі, 1-ші қалалық оқушылар арасындағы сайыста, 2-ші орынға ие болған 10 «Б» сынып оқушысы Рыспай Қамқор қазақ тілі кафедрасының аяулы ұстаздарына арнап  өлең тарқатты.

     Келесі құттықтауларды оқушылар  қоғамдық кафедрасына арнап,  Муталипова Ғайнельдің орындауында күй тарту етті.

  Әр адамның мінезін оның қолтаңбасы байқатса, әр ұлттың менталитетін биі көрсетеді. Таңмен таласа тұрып, бақшасындағы бұлбылмен ән салып, нәзік гүлдей билейтін өзбек халқы жүректерге шығыстың нұрын шашады. Осыған орай политехникалық кафедра ұстаздарына  арналған        10 «Б» сыныбының ару қыздараның орындауында өзбек биі орындалды.

Біздер үшін әр пәннің керегі бар,

Ана тілден өзгеде, сан алуан тілдер де бар.

Қымбат бізге шет тілдерден сабақ берген,

Аяулы да білімді тәлімгерлер- дей келе, келесі кезекті Боранқұлов Искандер мен Галидуллаева Назира өз орындауларындағы ән шашуды шет тілдер кафедрасына арнады.

     Кеш әрмен қарай 1 «А» сынып оқушысы Қорабаева Айша мен оның анасы Әселдің орындауында «Анашым» әнімен, 1 «Б» сынып бүлдіршіндері ұстаздарына арналған  өлеңдерін  бастауыштар кафедрасына арнады.

    Жаратылыстану кафедрасна арнап Боранқұлов Искандердің орындауында Крис Айзектің  «Wieked Game» әні орындалды.

      Келесі құттықтауларды әлемдік тілдердің бірін оқытатын орыс тілі кафедрасына арналған 10 «А» сынып оқушысы Габдуллаева Назира Наум Каражавинның «Песня, который тысяча лет» өлеңін әсем де әуенді даусымен мәнерлеп оқыды.

        Өнер кафедрасына арнап 10 «Б» сынып оқушысы Жантемирова Ардақ «Эсмиральда» атты әуенді пионинада орындап берді.

    Кеш соңында оқушылар қуаныштан жүздері бұлбұл жанған ақжаулықты аналардың алдында барша азамат мәңгі қарыздар екеніне тоқталып, шын көңілден құттықтады. Тарих пәнінің мұғалімі Садирбеков Айдын Тұрсынұлының орындауында  «Ана туралы жыр» әні орындалды. Кеш көтеріңкі көңіл күйде өтіп, ұстаздар оқушыларына алғыстарын білдіріп, келген ата-аналар мен қонақтар ризашылықпен тарқасты. 

  Келесі күні  гимназиямыздың тәлімгері Самат Аида Саматқызының және мектебіміздің белсенді, әрі озат оқушылардан құралған «Жас Ұлан» және «Жас қыран» ұйым оқушыларының ұйымдастыруымен мектепте     "Өзін –өзі басқару" күні болып өтті. Оқушылар өздерінің қалауы бойынша пәндерді таңдап,  сүйікті ұстаздарының орнына сабақ берді. Сабақ соңында шағын  педагогикалық кеңес болып, оқушылар өз ойларын білдіріп, сабақтағы қиыншылықтарын ортаға салды. Оқушылыр  бір күндік ұстаз болудың қадірін түсініп, олар ұстаз болудың  қаншалықты жауапты, әрі жан-жақтылықты қажет ететіндігін біліп, келешекте ұстаз мамандығын таңдайтындықтарын айтты.  

         Жер бетінде жақсылық атаулы аналардың үлкен жүрегімен әрленеді, жылына бір тойлайтын мерекеде олардың еңбектерін бағалап, сый құрмет көрсету ол біздің парызымыз. Бұл күні ізгіліктің, мейірімділіктің, әдеміліктің нышаны. Барлық ұстаз, аналарға құрмет, тағзым  көрсете отырып барша әйел қауымын шын  жүректен құттықтаймыз!