«М.Жұмабаев атындағы гимназия» КММ әкімшілігі биылғы оқу жылында әлеуметтік қорғалмаған отбасы балаларына материалдық көмек мектеп формасы және мектепке қажетті кеңсе заттары түрінде берілетіндігін хабарлайды. Аталған көмек мемлекеттік атаулы әлеуметтік көмек алуға құқығы бар отбасылардан шыққан балаларға (АӘК), мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға, жетім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға, білім беру ұйымының алқалы басқару органы айқындайтын білім алушылар мен тәрбиеленушілеріне беріледі. Құжаттарды қабылдау туралы ережеге өзгерістер енгізуге байланысты ең алдымен Қарағанды қаласы, «Жұмыспен қамту орталығы»КММ мекен жайы Бұхар Жырау 51/1 барып, мына анықтамаларды аласыздар: -АӘК үшін: жергілікті атқарушы органдар ұсынатын мемлекеттік атаулы әлеуметтік көмек алушыларға тиесілілігін растайтын анықтама; - Мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылар үшін: жан басына шаққандағы орташа табысы ең төменгі күнкөріс деңгейінен төмен отбасыларға жалақы туралы анықтамалар (ата-аналар жұмыс орнынан екі анықтаманы ұсынады, егер ата-анасының біреуі жұмыс істемесе, онда еңбекке жарамсыздығын растау қажет-мүгедектігі туралы анықтама немесе еңбек биржасы орнынан оның есепте тұрғандығы туралы анықтама, алименттер, асыраушысынан айрылу бойынша жәрдемақы және басқа да жәрдемақы түрлері). • Жоғарыда көрсетілген санаттарға байланысты анықтаманы мектеп әкімшілігіне әкеліп тапсырасыздар. • Құжаттарды қабылдау 2021 жылдың 24 маусымына дейін. Қабылдау уақыты: дүйсенбі-жұма сағат 09.00-ден 15.00-ге дейін, Байланыс телефоны: 7086027109 (сенбі мен жексенбіден басқа сағат 9.00-ден 15.00-ге дейін қоңырау шалу керек). Мектепке барған кезде масканың болуы міндетті! «М.Жұмабаев атындағы гимназия»КММ әкімшілігі