16 жалпы білім беру пәндері бойынша ағымдағы жылдың 25-30 сәуір аралығында жалпы білім беретін пәндер бойынша 2020-2021 оқу жылының Республикалық олимпиадасының қорытынды кезеңі өтті. Жыл сайын республикалық олимпиада жаратылыстану-математикалық және қоғамдық-гуманитарлық бағыттағы 16 жалпы білім беретін пәндер бойынша 9-11 сынып оқушылары арасында 4 кезеңде өткізіледі. Олимпиаданың негізгі мақсаты – шығармашылық қабілеттерін дамыту, теориялық білімі мен практикалық дағдыларын тереңдету, жеке тұлғаның өзін-өзі танытуына жәрдемдесу, дарынды балаларды анықтау үшін қажетті жағдайлар жасау, білім алушыларды халықаралық олимпиадаларға қатысуға іріктеу және дайындау. Қазақстан Республикасында білім берудің беделін арттыру. Пандемия жағдайын ескере отырып, республикалық олимпиада "Ustudy"орталықтарының базасында барлық санитарлық нормаларды сақтай отырып, өңірлерде және Республикалық маңызы бар қалаларда оқшауландырылып өтті. Олимпиаданың жабылу салтанаты бүгін, 30 сәуірде онлайн режимде өтті. Республикалық оқушылар олимпиадасының жеңімпаздары мен жүлдегерлері: 1-орын - Ержан Айым -11-сынып- Мағжан Жұмабаев атындағы Гимназия - Қазақ тілі мен әдебиеті (мұғалімі Альжанова Мөлдір Жақсыбайқызы) 3 орын - Сақтаған Ақнұр, 10-сынып - Мағжан Жұмабаев атындағы гимназия- орыс тілі мен әдебиеті (мұғалімі Кусаинова Назира Жолдыбаевна) Республикалық олимпиаданың қорытындылары бойынша жеңімпаздар мен жүлдегерлер алдағы уақытта біздің елімізді халықаралық олимпиадаларда таныстырады. Құттықтаймыз!!!