Өнер кафедрасы апталығы аясында орта буын оқушылары “Семей полигоны – ұлттық қасірет” ядролық жарыстарға қарсы қозғалыс белсендісі, әрі суретші Күйіков Кәріпбекпен онлайн режимде кездесті. Қазақстандық суретші, “Атом” жаһандық жобаның құрметті елшісі 2018 жылдың “Ядросыз келешек үшін” сыйлығының лауреаты атанды. Ядролық қаруды сынауды тоқтатудың белсенді күрескері ретінде және әлемді ядролық қарудан құтқарғаны үшін 2017 жылы “Атом” жобасының құрметті елшісі Күйіков Каріпбек Нобель сыйлығын салтанатты түрде табыстау рәсіміне ядролық қаруды тыйым салу бойынша Халықаралық қозғалысқа арналған ядролық қаруды жоюға күш салғандығы үшін арнайы шақырылды. Семей полигонында ядролық сынақ кезінде ата-анасына зақым келгендіктен, радиациялық сәуленің кесірінен Кәріпбек Күйіков қолсыз дүниеге келген. Өз өмірін және шығармашылығын ядролық қару сынақ зардаптарын еш жерде ешкім де бастан өткізбейтіндей бейбітшілік өмірге арнады. Кездесу мақсаты – қоршаған орта мәселелері және оқушыларды өмірге, өнерге жетелеу болса, өзіндік азаматтық ұстанымын нақты анықтауға бағытталды. Мектеп оқушылары сұрақтарын қойып, өз ойларындағы жауаптарын алды. Өз шығармаларын ,өмір жолынан фильм көрсетті. Оқушыларымыз қонағымыздың қажырлылығына таң қалып , кездесу өте әсерлі өтті.