Қазақстан Республикасының Тәуелсіздігі мен Мағжан Жұмабаев атындағы гимназиясының 30 жылдық мерейтойына арналып «Туған жерге тағзым» тақырыбында 9-сынып оқушыларының қатысуымен дөңгелек үстел өткізілді. Отанға деген сүйіспеншілік алдымен туған жерге деген сүйіспеншіліктен басталады. Елбасы Нұрсұлтан Назарбаевтың «Болашаққа бағдар: рухани жаңғыру» атты мақаласында «Туған жер» бағдарламасын жүзеге асыруға елім деген әр азамат үлес қосуы керектігі айтылған. Дөңгелек үстелге гимназия директоры- Абылай Армияұлы, Қарағанды облысының мәдениет, архивтер және құжаттама басқармасының «Тарихи-мәдени мұраны сақтау орталығы» КММ басшының орынбасары- Жанболат Манарбекұлы мен археология бөлімінің меңгерушісі- Елдос Абайұлы, «ARDA MEDIA GROUP» директоры, журналист-Асхат Қажытай, Е.А.Бөкетов атындағы Қарағанды университетінің аға оқытушысы, тарих магистрі- Ермек Насратуллаевич қатысты. Оқушылар туған жеріміздің тарихы туралы ойларымен бөлісіп, құнды ақпараттар алды. #Қоғамдық_пәндер_кафедрасы #9_сәуір_мектеп_күні