Қазақтың қара өлеңін кие тұтқан, жүрегінің түбіне қайнап шыққан асыл жырлармен қалың жұртшылықтың махаббатына бөленген Мұқағали Мақатаев шығармашылығына арналған М.Жұмабаев атындағы №39 гимназиясының ұстаздары және Қарағанды Маңызды  Білім беру «Болашақ» колледжінің ұстаздары мен  студенттерінің  бірлесіп ұйымдастыруымен 8 ақпан күні Мұқағали Мақатаевтың туған күніне  арналған «Мен өмірді жырлау үшін келгенмін» атты тартымды online әдеби кеш өтті.

    Мұқағали Мақатаев – бүгінде бүкіл халықтың сүйіспеншілігіне бөленген сүйікті ақын. Оның өлеңдерін ықыласпен оқымаған, сөздеріне жазылған, әндерін ынтыға тыңдамаған иісі қазақта  ешкім жоқтығы белгілі. Ол – қазақ халқының салт-дәстүрі мен тұрмыс-тіршілігін сезімталдықпен жырлаған ақын. Әдеби кеш басында  ақынға арнау ретінде «Мен сені сағынғанда...» атты Қарағанды Маңызды  Білім беру «Болашақ» колледжінің студенті  және 6- сынып оқушысы Қуаныш Нұртілеу «Тоқта, ботам» жыр шумағын орындады.

     Ақын өзінің қысқа ғұмырында өзіне-өзі сенген. Ары таза, жаны мөлдір, жүрегі отты, рухы асқақ жырлары мен көркем дастандары сол сенімінің жемісі. Ақын жаңа ғасыр қақпасын ентікпей, еркін ашып, жаңа мыңжылдық айдынына шығып отыр.

Жылап келіп, келмейді жылап кеткім!

Ол ғұмырды келеді бір-ақ тепкім.

Жамандықты жақсартып, жақсылықты

Онан сайын келеді қуатты еткім, -деп аламан бәйгеде оза шауып, өлең-жырда шашасына шаң жұқтырмаған ерен жүйрік, талантты тұлға Мұқағали ақынның «Жоқ,  дәрігер» өлеңіне  10 сынып оқушысы  Бейсембин Ернат  сахналық қойылым көрсетті.

      Туған елінің махаббатына бөленген тұғырлы тұлға Мұқағали ағамыздың «Шәмілге жазған хаттардан» өлеңін гимназиямыздың 10-сынып оқушысы Ғалым Арғын  мәнерлеп оқыды.

    Ақынның қалам тартпаған тақырыбы қалмапты. Ана мұңын, әже зарын, жетім-жесір қайғысын, ердің ерлігін, пәк махаббаты, адалдықты, достықты жырға қосты. Тұла бойына сұлулық тұнған құс патшасы – аққу кіршіксіз тазалықтың, қылаусыз да кінаратсыз пәктіктің символы. Осыған орай  10- сынып оқушылар  «Аққулар ұйықтағанда» қойылымын орындады.  Кеш ортасында Мұқағали сөзіне жазылған мектебіміздің түлегі Әскерхан Еркебұланның орындауында «Сенің көзің» әнін  шырқады.

Арулар – асыл жандар!

Шуақ боп шашылғандар,

Қуат боп тасынғандар,

Құшақ боп ашылғандар!- деп,  Мұқағали ағамыз жырлағандай мектебіміздің мың бұрала билеген үлгілі «Шолпан» би ансамблінің «Оймақ шашу» биі орындалды.

      Шын зергерлік өнермен өлшенетін ақындық жолында жүрекпен құлаш ұрған Мұқағали Мақатаев өшпес мәңгілік тақырып махаббатқа қалам тартқан. Соған байланысты 11 сынып оқушыларының орындауында «Махаббат диалогы» қойылымын көрермендерге тарту етті.

       Өміршең өлеңмен поэзия деген құдіретті өнердің төрінен ойып тұрып орын алған, қазақтың қара өлеңінің құдіреті Мұқағалидың жылма-жыл аталып өтілетін туған күн кешіне өлеңді өнер сүйіп бағалай білген жас ақындарымыздың Мұқағалиға шығарған жыр шумақтарын Қарағанды Маңызды  Білім беру «Болашақ» колледжінің студенті Самет Жанерке «Болады деп арманда»  және 6-сынып оқушысы Салина Аружан «Қайран, қарасамыз-ай»  атты жыр шумағын мәнерлеп оқыды.

     Мерекелік  шара әнге ұласып, Қабкен Мөлдірдің  орындауында  Нұрғиса Тілендиевтің «Саржайлау» әні шырқалды.

   Мұқағали Мақатаев – қазақ халқының  Фарабиден Абайға, Абайдан Мағжанға, Мағжаннан бүгінге дейін жалғасып келе жатқан жыр кешеніндегі өзіндік орны бар біртуар талант иесі. Мұқағали Мақатаев халықты қалай сүйсе, халқы да оны сүйеді. Оның поэзиясы көптің ерекше махаббатына бөленген поэзия. Кеш соңында сөз тізгінін республикалық «Қасым» әдеби-қоғамдық журналының бас редакторы, "Шабыт" халықаралық фестивалінің лауреаты, Республикалық жыр мүшайрасының бірнеше дүркін жеңімпазы, ақын Серік Сағынтайға, Жазушылар одағының мүшеcі, Халықаралық «Шабыт» фестивалінің І орын иегері, арқаның ақын ұлы Руслан Жаманханұлы Нұрбайға және белгелі ақын  Қайрат Асқарұлы  Белдібаевичке  сөз кезегі берілді. Келген қонақтарымыз Мұқағали Мақатаев шығармашылығына арналған «Мен өмірді жырлау үшін келгенмін» тақырыбындағы  әдеби кешімізге тарту ретінде  өлең шумақтарын оқыды.

  Қорытынды сөз кезегін гимназиямыздың директоры Базыл Жанкелді Сағынтайұлы мен Қарағанды Маңызды  Білім беру «Болашақ» колледжінің қазақ тілі мен әдебиеті пәнінің мұғалімі Гүлзада Жолкенқызына  берілді.

   Кеш қызықты әрі тартымды өтті. «Қазақстан-Қарағанды», «1-ші», «5-ші»  теле каналдар арқылы көрсетіліп, сұхбат берілді.