Мағжан мектебінде осыдан он бес жыл бұрын тәрбие үрдісінде ата-ана мен ұстаздың, оқушының арасында ынтымақтастықпен тәжирбие алмасатын «Шырақ» атты ата-аналар университеті өз жұмысын бастаған болатын. Бүгінгі күні дәстүрлі түрде өтетін тәлім-тәрбие орталығына айналып отыр. Бұл университеттің өз ректоры, дәріс беруші – мүшелері және тыңдаушылары  ата-аналары бар. Университет отырысы жылына төрт рет өткізіледі.

       Университет алғашқы отырыстарын гимназиямыз атымен аталатын ақын, ағартушы педагог Мағжан Жұмабаевтың өмірімен, шығармаларымен танысудан бастады. Одан бала тәрбиесіндегі ата-ана мен ұстазға жол сілтейтін ұлы еңбегі «Педагогикасының» кәусәр бұлағынан сусындады. Мағжанның педагогикалық ой-пікірлері ұлттық тәрбиеге  етене жақын, сондықтан халқымыздың  атадан балаға мұра ретінде ауысып, тәрбиелік, өнегелік қасиетімен игі қызымет атқарып келе жатқан халықтық педагогика тақырыптарымен ұштасты.

        Биылғы 2012-2013 оқу жылында да « Шырақ»  ата-аналар университеті өз жұмысын қызу бастап кетті. Университет ректоры болып жанадан сайланған бастауыш сынып мұғалімі Ляйла Қайратқызы алғашқы қозғалатын тақырыбын қыз тәрбиесіне арнап «Қыз ұлттың ұяты, халқынын шырайы» деп алған еді. Оған дәріс берушілеріде қызу қолдау көрсетіп, белсене ат салысты.

     Тақырыптың мақсаты: Қазақ қызының бойындағы ұлттық дәстүрімізге сай: Әдептілік, көріктілік, ептілік, кішіпейілдік, сұлулық, т.б жан-жақты ұлттық қасиеттерін таныта білу. Қыз баланы шынайы құрметтеп, қастерлей білуге баулу, өзара сыйластықты, ата-ана мен қыз бала арасындағы қарым-қатынасты қалыптастыру болды.

          Директор сөзінен кейін гимназияның тәжірибелі ұстазы Орден Сұрағанқызы осы тақырып бойынша ата-аналармен тығыз қарым-қатынаста  ситуациялық жағдаяттар тренингін өткізді. Оған қоса гимназиямыздың биология пәні  мұғалімі Айгүл Төлепбергенқызы «Қыз баланың физиологиялық ерекшеліктері» туралы ата-анаға кеңес берді және гимназия психологы Меруерт Қайратқызы психологиялық сәт өткізіп ата-аналардың көңілінен шыға білді. Гимназияның жас маманы Эльмира Қарғабайқызының оқыған баяндамасы ата-ана қызығушылығын туғызып, ата-аналар отырысқа белсене қатысты. Ата-ананың қызыққаны сонша келесі отырысқа бір кісідей қатысуға уәде беріп, рахметтерін айтты.