Бүгін, 24 ақпан Мағжан гимназиясында «Қарағанды облысында білім беруді дамытудың оқу-әдістемелік орталығының» «Жыр Жалын» поэзия әлемі жобасы аясында қашықтықтан ақиық ақын Мұқағали Мақатаевтың 90 жылдығына арналған «Мұқағали – мәңгілік ғұмыр» тақырыбында облыстық семинар өтті. Тұманбай Молдағалиев : «Мұқағали поэмаларының ең асылы, ең биігі деп мен «Моцарт»,«Жан азасы» мен «АҚҚУЛАР ҰЙЫҚТАҒАНДА» деген дүниесін атаймын. Бұлар - алтын ішіндегі меруерттей сәуле шашатын ұлы дүниелер» деген екен. Семинар Мұқағали Мақатаевтың «Аққулар ұйықтағанда» поэмасы желісі бойынша шығарылған үлгілі «Шолпан» би ансамбілінің «Аққу» биімен ашылды. Семинарымыздың алғы сөзін гимназиямыздың директоры Жалелов Абылай Армияұлы «Қазақ поэзиясының Хан Тәңірі» атты баяндамасымен бастады. Семинарға қонақ ретінде әдебиеттанушы, ғалым, сыншы, Е.А. Бөкетов атындағы Қарағанды университетінің қазақ әдебиеті кафедрасының профессоры, филология ғылымдарының докторы, Халықаралық Ақпараттандыру Академиясының (МАИН) академигі - Жандос Қожахметұлы Смағұлов Мұқағали Мақатаев еңбектерін алғаш зерттеуші ретінде «Мұқағали поэзиясындағы ұлттық болмыс» тақырыбындағы баяндамасымен қатысты. Одан әрі гимназиямызда ақын ізін жалғастырушы, қазақ тілі мен әдебиеті пәні мұғалімі, ақын, «Өмірімді өлеңмен өрнектедім» атты жыр жинағының авторы - Альжанова Мөлдір Жақсыбайқызы мен жыр мүшайраларының жүлдегер оқушылары өз өлеңдерін оқыды. Мұқағали өлеңдерін жұртқа жария етуде өзіндік үлес қосып жүрген елімізге танымал әнші Сейіл Аяған ақынның өлеңдеріне жазылған әндерін орындады. Ақын, халықаралық "Шабыт" фестивалінің лауреаты, Т.Айбергенов атындағы медальдің иегері, «Егемен Қазақстан» газетінің тілшісі Мирас Болатұлы Асан «Мұқағали поэзиясы: махаббат пен парасат» тақырыбында баяндама жасады. Гимназиямыздағы әкелер кеңесінің мүшесі, ата-ана Асхат Қажытай Мұқағали жырының тазалығын, Мұқағали өлеңдерінің оқылуы жайлы сөз қозғады. Қазақ тілі мен әдебиеті пәні мұғалімі Сыздықова Эльмира Қарғабаевнаның ұйымдастыруымен оқушылар Мұқағали Мақатаевтың өмірі, әнге айналған өлеңдері, поэмасының желісінде буктрейлер жасап қорғады. Гимназиямыздың «Жас блогер – журналист» жобасының мүшелері Рауан Бұғыбайқызының басшылығымен «Мен Мұқағалиды қалай танимын?» атты бейнерепортаж жасады. Семинарды қорытындылау мақсатында гимназиямыздың директордың тәрбие жұмысы жөніндегі орынбасарлары Ибрайбекова Арай Нұрлановна, Таттимбетова Улпан Кабдуахитовна, қазақ тілі мен әдебиет пәні мұғалімі Абдирова Рысты Мнажовна, тәлімгер Сакенова Аида Сержанқызының құрастыруымен жас мамандарға арналған «Жыр жалыны» атты әдістемелік нұсқаулықпен таныстырды. Семинар соңында облыс бойынша барша қатысушылар ризашылықтарын білдіріп, пікірлерін білдірді. Сөз соңында Приозерск мектебінің ұстазы Маржанкүл Хизирова ризашылығын білдіріп, өзінің Мұқағали Мақатаевқа арнау өлеңін оқыды.