Бастауыш буынның оқушылары 25-26 желтоқсан күндері С.Сейфуллин театрында музыкалық комедияда болып, Жаңа жылдық қойылымды  тамашалады.  Бұл мерекеге барлық сыныптың оқушылары мен ата-аналары қатысты. Бағдарламада алуан түрлі мерекелік концерттер, би, әр түрлі тілдегі әндер, скетчтер, тамашалық көріністер орындалды.

      Жаңа жыл мерекесі 28-і күні сағат 10.00-де мектебімізде өз деңгейінде  аталып өтті. Биылғы келген жаңа Жылан  жылын мектебімізде 6 «ә» сынып оқушылары және сынып жетекшілері  Б.К.Акбаева, А.Ж.Тохметованың ұйымдастыруларымен 5-7 сыныптар арасында шырша мерекесі өткізілді.

        Бүгінгі жаңа жыл кешін барлығымыз көтеріңкі көңіл күймен, әсем ән, сәнді бимен өткізуге ат салысамыз деген үмітіміз бар – деп оқушыларымыз шырша мерекесін бастап кетті.

    Бұл кеште оқушыларымыз аңдар бейнесінде киініп, «Шолпан» би ансамблінің мың бұралған қыздары мен ұлдары, мектебіміздің күміс көмей әншілерімен мерекелік кешіміздің  жалғасын тапты.

         Жоғарғы сыныптар арасында өткен жаңа жылдық шырша мерекесі     29-ы күні сағат 14.00- де басталды. Кеш 11 «б» сынып оқушыларымен А.Қ.Монтаеваның басшылығымен «Әлемге әйгілі поп жұлдыздары» атты конкурс түрінде болып өтті. Бұл конурста оқушылар танымал әншілердің әндерін айтып, билерін биледі. Әр оқушы жана жылдық өз өнерлерін көрсетіп, дайындаған  ән, билерін көпшілікке тарту етті. Конкурс қорытындысы бойынша:

І орынды 10 «ә» сынып оқышысы ;

ІІ орынды 9 «в» сынып оқышысы Сулейменова Ризалина;

ІІ орынды9 «ә» сынып оқышысы Серіков Азат;

        Өнерлерін көрсеткен оқушыларымызға Аяз ата қоржынынан сыйлықтарын ұсынып, батасын берді. 11 «б» сынып оқушысы Сапарбаева Азияның орындауында «Jingle Bells»  әні орындалып,  11 «б» сынып оқушылары «Жаңа жыл» әнін тарту етті. Кеш соңында «Шолпан» би ансамблінің биі тамашаланады. 

      Аяз атамыз бен Ақшақарымызды да әсем ән-билерімізбен шығарып салып, мереке соңы би кешімен жалғасты. Оқушыларымыз көптен күткен шырша мерекесін көтеріңкі көңіл күймен қарсы алды.

      Мектеп алдында 9 «а», 9 «в» сынып оқушылары сынып жетекшілерімен бірге  Аяз ата мүсінін, 8 «а»-«ә»-«б» сыныптары  Ақшақардың мүсінін, 5 «а», 6 «а» сыныптары жылан мүсінін, 5 «ә», 6 «ә» ұлу мүсінін, 5 «б», 6 «б» сыныптары тасбақа мүсінін,  7 «а» сыныбы сиыр мүсінін, 7 «ә» сыныбы барыс мүсінін, 7 «б» сыныбы тышқан мүсінін жасады.

Жаңа жылың құтты болсын жас ұрпақ,
Келген жылға қарамаңдар тосырқап.
Жаңа жылың құтты болсын аталар,
Сергек ұрпақ өздеріңнен нәр алар.
Жаңа жылың құтты болсын аналар,
Бүлдіршіндер өздеріңнен нәр алар,

-деп келген Жаңа Жылан  жылымыз  қазақстандықтарға құтты, берекелі жыл болсын!