2021 жылдың 28-29 қаңтарда Қарағанды қаласының білім бөлімі» ММ «Медицинаға қадам» бейіндік-педагогикалық сыныптар облыстық жобасы аясында аталған жобаға қатысушылар арасында «Халел Досмұхамедов – қазақ медицинасының негізін қалаушы» тақырыбында оқушылардың зерттеу жұмыстары бойынша қалалық онлайн-конференция өтті. Конференцияда 4 бағытта ұйымдастырылды. 1-бағыт:«Х.Досмұхамедов және қазақ ғылыми-медициналық терминологиясы» мақала қорғау; 2-бағыт: «Ұстаздық – ұлылыққа апарар жол» зерттеу жұмыстарын қорғау; 3-бағыт:«Қазіргі Қазақстан медицинасының өзекті мәселелері» мақалаларын қорғау; 4 -бағыт: Ғалым шығармаларын насихаттайтын бейнероликтерді қорғау; 1 –бағыт бойынша барлығы 10 оқушы жұмыс тапсырды. Осы оқушылардың ішінен іріктеу кезеңінен өтіп, мақалаларын жоғары дәрежеде қорғаған 5 оқушы жүлделі орындарға ие болып, арнайы дипломдармен марапатталды. 2 –бағыт бойынша барлығы 15 жұмыс келіп түсті. Іріктеу кезеңінен өткен, Х.Досмұхамедовтың еңбектерін жан-жақты зерттеп, тақырыпты аша білген, құнды дүниелерді көрсетіп, шығармашылықтарымен көзге түскен 8 оқушының жұмысы жоғары деңгейде бағаланып, марапатталды. 3 –бағыт бойынша барлығы 20 оқушы жұмыс тапсырды. Қазіргі Қазақстан медицинасындағы өзекті мәселелерді көтеріп, тақырып бойынша жүйелі ой қосып, мағыналы мақала жазған 16 оқушы іріктеу кезеңінен өтіп, өз жұмыстарын қорғады. Өзектілігі, ой жүйелілігі, таныстырылымы жоғары бағаланған 13 оқушы жүлделі орындарға ие болды. 4-бағыт бойынша 17 оқушы бейнеролик жасап, 10 оқушы өз жұмыстарын қорғады. Оқушылар берілген тақырыптар бойынша ғалым шығармаларын насихаттайтын шағын бейнероликтер дайындады. Бейнероликтерден оқушылардың шығармашылығы, жан-жақты ізденісі, АКТ-ні қолдану деңгейлерінің жоғары екендігі байқалады. Әділ-қазылар алқасының шешімімен үздік деп танылған 7 оқушы арнайы дипломдармен марапатталып, қалған қатысушыларға алғыс хаттар беріледі. Барлық қатысушыларға алғыс білдіреміз! Шығармашылық табыстар тілейміз!