Бүгінгі күні Қарағанды облысы білім басқармасының ұйымдастыруымен «Жыр Жалын» поэзия әлемі жобасы аясында білім беру ұйымдарындағы аға тәлімгерлерге арналған Қасым Аманжоловтың 110 жылдық мерейтойына орай «Руханият» бағытында «Қасым әлемі: поэзия, тұлға, тарих» тақырыбында облыстық семинар өтті. Семинарға гимназиямыздың ақын ұстазы, Қасым өңірінен шыққан қаламгер ретінде Мөлдір Жақсыбайқызы қатысып, ақынның кіндік қаны тамған Қызыл тауы, Қызылкөшен қыстауы жайлы тың деректер келтірді. "Дүниеге келер әлі талай Қасым" деп әулие ақын атап кеткендей қазіргі Қасым ауылынан шыққан ақындарды атап, талантты жастарды таныстырды. Барым да, бақытым да осы өлеңім, Жақыным , жүрегімнің досы өлеңім. Өмірге келгенім жоқ бостан – босқа, Мен қайтып , босқа жасап , босқа өлемін-деп жырлаған ақынның өмірі босқа өтпегеніне артындағы өрелі ұрпақ дәлел. Дауылпаз ақынның 110 жылдық мерейтойы құтты болсын!