Қазақстан Республикасы Тұңғыш Президенті күніне орай М.Жұмабаев атындағы №39 гимназияда апталық болып өтті. „Тәуелсіз Қазақстан және Елбасы„ өнеге сағаттары, ХХІ ғасыр көшбасшысы, брейн ринг, спорттық сайыстар, шығармалар сайысы өткізіліп, мектептің „Мектеп тынысы„ газетінің мерекелік санында жарияланды. Жас ұрпаққа Елбасының өмірі, еңбек жолын үлгі-өнеге ете отырып, елжандылыққа, отансүйгіштікке, азаматтыққа баулып, ел болашағын ойлайтын, халқы үшін еңбек ететін, ұлттық санасы, құқықтық мәдениеті қалыптасқан жастарды тәрбиелеу мақсатында оқушылар мен ата-аналар, ұстаздар көңілінен орын алған Президент күніне арнайы ұйымдастырылған әдеби-монтажды музыкалық кеш өтті. Интерактивті тақтадан Елбасының еңбек жолын бейнелейтін тарихи деректер мен фотосуреттер көрсетілді. Кеш қазақ елі, халқының бағына туған, бүгінде әлем таныған көшбасшы жайлы 9-шы сынып оқушылары дайындаған шағын қойылымнан кейін еліміздің әнұранын айтудан басталды. Н. Әбішұлының Үшқоңыр ауылында дүниеге келуі туралы көріністен соң, Нұржан мен Тілек „Үшқоңыр„ әнін орындады.

    1960-жылы Қарағанды комбинатынан бастаған Елбасының еңбек жолын оқушылар сахналық көрініс ретінде шынайы, әрі тамаша сомдады. Ұлттың абыройына, киесіне айналған Президенті жайлы „Елбасы оқушылар көзімен...„ тақырыбында Диар, Диана, Ақгүл, Ернар, Назерке сынды оқушылар өз шығармашылықтарымен ойларын өрбітсе, Айнұр мен Айдана „Нұр аға„ әнін тамылжыта,  нақышына келтіре орындап, көпшілік алғысына бөленді.

    Тұңғыш Президент күнін атап өту қарсаңында оқушылар мәртебесін асқақтатар үлкен мереке - „Жас ұлан„ балалар мен жасөспірімдер ұйымы Республикалық Қоғамдық Бірлестігінің қатарына сабақта алда, тәрбиелі оқушылардың мүшелікке қабылдану кезеңі. Жиынның ең жауапты сәті – ант тапсыру рәсімі ата-ана, бала, ұстаз көңілінде зор қуаныш, бақыт ұялатты. „Жас ұлан„ және „Жас қыран„ ұйымына қабылданған оқушыларға туымыз түстес көгілдір галстук пен төс белгілері табысталып, гимназия директоры Жанкелді Сағынтайұлы мерекелік іс-шараға өз ойын білдіріп, ұйымға қабылданушыларға еліміздің еңселі азаматтары болуларына тілек білдірді.

   Кеш соңы гимназияның күміс көмей әншісі, „Бозторғай„, „Жас сұңқар„ әндер байқауының жеңімпазы Кеңесбек Ботакөздің орындауындағы „Қазақ елі„ әнімен аяқталды. Кештің мазмұнды, тартымды өтуіне Бикен Қалымқұлқызы, оқушылар бойына сахналық өнерді дәріптеп сіңіруде Дана Мұратқызының еңбектері ерен. Кешке қатысқан қонақтар, ұстаздар қауымы, ата-аналар мен оқушылар жақсы көңіл-күймен тарасты. Қызықты өткен іс-шара гимназия қабырғасында үнемі жалғасын таппақ.