Мағжан Жұмабаев атындағы гимназия төрінде «ХХI ғасыр – сауатты ұрпақ ғасыры» атты оқу сауаттылығы апталығы аясында кітапханада «Kitap Fest» кітап фестивалі 9-сынып оқушыларының арасында ұйымдастырылды. Іс-шарада қатысқан оқушылар саны шектелгені болмаса фестиваль ойдағыдай өтті. Мақсаты - кітапты насихаттау, кітап пен оқуға деген қызығушылықты қолдау, қоғамның интеллектуалды әлеуеті мен мәдени құндылықтарын арттыру, кітап оқуға тарту, өскелең ұрпақтың рухани-адамгершілік білімін арттыру, жастардың кітап оқуға, көркем әдебиетке деген құштарлығын ояту.   Фестиваль ақын Мағжан Жұмабаевтың  «Мен жастарға сенемін!» өлеңімен  ашылды. Кітап фестиваліне қатысушылар өздері оқыған сүйікті кітаптарын оқырмандарға ұсынып, өз пікірлерін білдірді. Шара барысында қойылған кітап көрмесіне шолу жасалды. Кітап көрмесіне биылғы 2021 жылдың жыл кітаптарын таңдау бойынша Тәуелсіздігімізге 30 жыл толуына байланысты 30 кітап таңдалып алынғанына баса назар аударылды.Сонымен қатар, кітап алмасу бойынша кітапханаға тапсырылған әдеби кітаптар бойынша құрылған кітап көрмесіне де тоқталып түсіндірілді. #оқусауаттылығыапталығы