М.Жұмабаев атындағы гимназияның қазақ тілі мен әдебиет пәні мұғалімі Сыздыкова Эльмира Каргабаевна облыстық деңгейде өтіп жатқан «Бірге оқимыз» жобасының кезекті WORKSHOP-қа қатысып, шеберлік сабақ жүргізді. Эльмира Каргабаевна қазақ тілінен 10-сыныптарға арналған «Отандық өнім» тақырыбындағы сабағында қолданылған әдістер мен қашықтықтан оқыту кезінде бағдардамаларды тиімді пайдалану жолымен бөлісті. Қашықтықтан оқыту кезінде оқушылармен кері байланыс жасау үшін тиімді құралдардың бірі - Google формалары. Google формалары - Google Дисктегі ең танымал функциялардың бірі. Google формалары – қашықтықтан оқыту кезінде кері байланыс жасауда, әсіресе бөлім бойынша және тоқсандық жиынтық бағалау өткізуде өте қолайлы құрал. Google формалары тест жұмыстарын (бір дұрыс жауаппен және бірнеше дұрыс жауаптармен) өткізуге, оқушыларға белгілі бір тақырып бойынша жазба жұмысын жаздыруға, бақылау жұмыстарын орындатуға ыңғайлы құрал болып табылатынын айтып, практика жүзінде облыс мұғалімдерімен бірге жұмыс жасады. Бұған қоса сабақ мақсатына қол жеткізуде MIRO онлайн тақтасының мүмкіндіктері мен функцияларын таныстырды. Сабағында қалай қолданғанымен бөлісті. Жобаға қатысушы облыс мұғалімдері жоғары қызығушылық танытып, алғыстарын білдірді. Сабақ жоғары деңгейде өтіп, ұйымдастырушылар тарапынан жоғары баға алып, жинаққа енетін болды.