ІV күн – 21 қаңтар «Ұстаздық еткен жалықпас...» тақырыбы бойынша академик Е.А.Бөкетов атындағы Қарағанды университетінің филология факультеті, қазақ әдебиеті мен журналистика кафедрасы оқытушыларымен біріккен "Қаңтарда туған қаламгерлер" атты оnline форматта дөңгелек үстел өтті. Қаңтар айында дүниеге келген қаламгерлеріміз, заңғар жазушы Ілияс Есенберлиннің шығармашылығы жайында 10 «Б» сынып оқушысы Орынбаева Шұғыла таныстырылым жасап, қазақ әдебиеті кафедрасының аға оқытушысы, ғылым магистрі Жұмагелдин Жанайдар Шаймерденұлы оқушыларды тың деректермен таныстырды. Балалар әдебиетінің атасы, қаңтарда дүниеге келген ақын, Қадыр Мырза Әлінің өмірі жайлы 9 «Б» сынып оқушысы Тұрсынбай Арсанат таныстырып, ф.ғ кандидаты, доцент Рүстемова Жанар Айдарбековна тақырыпты тереңірек түсіндіріп, оқушыларға қызықты мәліметтер ұсынды. Дөңгелек үстелдің ұйымдастырушысы, модератор журналистика кафедрасының аға оқытушысы, ғылым магистрі Еркін Жазира Жанғазықызы оқушыларға сұрақтар қойғызып, қатысушылармен кері байланыс жасап, іс-шараның мазмұнды өтуіне баса назар аударды. Дөңгелек үстелге Мағжан гимназиясының 9,10-сынып оқушылары мен қазақ тілі мен әдебиет пәні мұғалімдері қатысты. #Оқу_сауаттылығы_апталығы