«ХХІ ғасыр – сауатты ұрпақ ғасыры» атты оқу сауаттылығы апталығының жоспарлы «Бестік диктант» жазу жұмысы 5 «А» сыныбында 19.01.2021 күні өтті. Диктант Ы.Алтынсариннің «Білгеннің пайдасы» әңгімесі бойынша жазылды. Қазақ тілі мен әдебиеті пәнінің мұғалімі Орден Сұрағанқызы алдымен диктанттың шартын түсіндірді. Оқушылар түсініп алған соң, әңгімені екі бөлікке бөліп, әр бөліктің мазмұнын «Бестік диктанттың» шарты бойынша оқушылар өздері жазды. Оқушылар диктантты қызығушылықпен орындады. «Бестік диктант» – оқушылар танымын белсенді етудің, қызығушылығын арттырудың, әсіресе әдеби тілін дамытудың, сауаттылыққа баулудың ең тиімді әдісі. Бестік диктанттың ұтымды жағы: • «Бестік» диктантының мәтінін мұғалім емес, оқушылардың өзі құрастырады; • дәстүрлі диктанттарда бүкіл сынып бір мәтінді жазса, мұнда әр оқушы өзіне берілген шығармашылық еркіндікті пайдалана отырып, өз мәтінін жазады; • оқушылардың еске сақтау қабілеттері жетіледі; • қазақ тілі мен әдебиетінен алған білімдерін жаңа мақсатқа тиімді пайдалануға талпынады.