Латын әліпбиіне көшу – тек қана тіл мамандарын немесе ұстаздарды ғана емес, дүйім жұртты толғандыратын қазақ әліпбиінің тағдыры. Қарағанды облысының тілдерді дамыту жөніндегі басқармасы жанындағы Ресурстық тіл орталығының бөлім меңгерушісі Жақанова Жұпар Рысқұлқызымен «Әліпбидің жаңа нұсқасындағы өзгерістер» тақырыбында «ZOOM» платформасы арқылы семинар өтті. Жұпар Рысқұлқызы жаңа нұсқа бойынша атқарылған соңғы шаралар және әліпбидің жаңа нұсқасындағы өзгерістер жайлы егжей-тегжейлі мағлұмат берді. Латын графикасы арқылы таңбаланған қазақ әліпбиі мен жазуы қазақ елін әлемдік кеңістікке жетелейтініне кәміл сенеміз.