Қазақстан Республикасы Білім және ғылым министрінің 2015 жылғы «22» сәуірдегі № 227 бұйрығымен бекітілген
Тәрбиенің тұжырымдамасы
2020 - 2021 оқу жылына арналған Қарағанды облысының орта білім беру ұйымдарында тәрбие жұмысын ұйымдастыру бойынша әдістемелік ұсынымдар
I. Орта білім беру ұйымдарында тәрбие процесін нормативтік-құқықтық қамтамасыз ету.
Тәрбие жұмысын ұйымдастырудың нормативтік-құқықтық базасы келесі құжаттардан тұрады:
1) Бала құқықтары туралы БҰҰКонвенциясы;
2) Қазақстан Республикасының Конституциясы;
3) Қазақстан Республикасының «Неке (ерлі-зайыптылық) және отбасы туралы» 2011 жылғы 26 желтоқсандағыКодексі;
4) Қазақстан Республикасының «Қазақстан Республикасындағы баланың құқықтары туралы» 2002 жылғы 8 тамыздағы Заңы;
5) Қазақстан Республикасының «Тұрмыстық зорлық-зомбылық профилактикасы туралы» 2009 жылғы 4 желтоқсандағы № 214-IV Заңы;
6) Қазақстан Республикасының «Балаларды денсаулығы мен дамуына зардабын тигізетін ақпараттан қорғау туралы» 2018 жылғы 2 шілдедегі №169-VI Заңы;
7) Қазақстан Республикасының «Білім туралы» 2007 жылғы 27 шілдедегі Заңы;
8) Қазақстан Республикасы Үкіметінің 2019 жылғы 27 желтоқсандағы №988 қаулысымен бекітілген, Қазақстан Республикасында білім беруді және ғылымды дамытудың 2020-2025 жылдарға арналған мемлекеттік бағдарламасы;
9) Білім берудің барлық деңгейінің мемлекеттік жалпыға міндетті білім беру стандарттары. Қазақстан Республикасы Білім және ғылым министрінің 2018 жылғы 31 қазандағы № 604 бұйрығы.
10) Қазақстан Республикасы Білім және ғылым министрінің 2019 жылғы 15 сәуірдегі №145 бұйрығымен бекітілген «Рухани жаңғыру» бағдарламасын іске асыру жағдайындағы тәрбиенің тұжырымдамалық негіздері.
II. Білім беру ұйымдарындағы тәрбие жұмысы бойынша нормативтік-жоспарлау құжаттамасы.
1. Оқу жылының басында мектепте жергілікті актілер әзірленіп, іске асыруға қабылдануы керек:
- Кәмелетке толмағандардың құқық бұзушылықтарының алдын алу туралы мектеп Кеңесінің ережесі;
- Сынып жетекшілерінің әдістемелік бірлестігі туралы ереже;
- Оқушылардың өзін-өзі басқаруы туралы ереже;
- Психологиялық қызмет туралы ереже немесе әлеуметтік-психологиялық қызмет туралы ереже;
- Кәсіптік бағдар беру қызметінің жұмысы туралы ереже.
2. Ата-аналар жиналыстарының, кәмелетке толмағандар арасындағы құқық бұзушылықтың алдын алу жөніндегі кеңестердің, сынып жетекшілерінің әдістемелік бірлестігінің отырыстарын өткізу кестелері әзірленді және бекітілді.
III. Тәрбие процесін жоспарлау ерекшеліктері.
Оқу жылына арналған тәрбие процесін жоспарлау:
- күнтізбелік жылдың тақырыбын негізге алаотырып;
- өткен жылдың қорытындысын талдауды ескере отырып, педагогикалық ұжымның ерекше назарын талап ететін мектеп үшін тәрбиелік міндеттер айқындалады;
- мұғалімдердің тәжірибесі мен біліктілігін, балалар контингентінің ерекшеліктерін ескере отырыпжүзеге асырылады.
Сынып жетекшілері мектеп жоспарына, оқушылардың қызығушылықтары мен мұғалімнің мүмкіндіктеріне сәйкес оқушылар ұжымдарымен жұмыс жоспарын жасайды. Жоспарға жалпы мектепшілік іс-шаралар, сыныптың дәстүрлі шаралары, өнеге сағаттары кіреді.
Мектептің дәстүрлі іс-шаралары:
Тәрбие жұмысын жоспарлау кезінде Білім берудің барлық деңгейінің мемлекеттік жалпыға міндетті білім беру стандарттарын оқып-үйрену қажет. Қазақстан Республикасы Білім және ғылым министрінің 2018 жылғы 31 қазандағы № 604 бұйрығы.
2020-2021 оқу жылында білім беру ұйымдарына тәрбие процесін әр айдың тақырыптық бағыттары бойынша жүзеге асыру, жұмысты жоспарлау кезінде ерекше назар аудару ұсынылады:
- «Рухани жаңғыру» бағдарламасының арнайы жобалары: «Дәстүр мен ғұрып», «Үнем – қоғам қуаты»;
- Қазақстан Республикасы Тәуелсіздігінің 30 жылдығын мерекелеу тұжырымдамалары «Жасампаздыққа толы жылдар», «Созидание во имя людей»;
- Он төрт жастан жиырма тоғыз жасқа дейінгі балалар мен жастарды көрсеткен патриотизм мен белсенді азаматтық ұстанымы үшін ерекшелік белгісімен марапаттау ережелері;
- балалардың жас ерекшеліктері мен мүдделерін ескере отырып, оқушылардың жобалық қызметін ұйымдастыру;
- ерте бейіндеу, кәсіптік бағдар беру мәселелері бойынша;
- мұражай педагогикасы;
- туған өлкенің тарихын, өлкетануды зерттеу.
Өнеге сағаттарының тақырыптарын жоспарлау кезінде «Қарағанды облысында білім беруді дамытудың оқу-әдістемелік орталығы» КМҚК әзірлеген бағдарламаларды пайдалану керек:
1.Қарағанды облысының білім беру ұйымдарының білім алушыларына адамгершілік-жыныстық тәрбие беру бағдарламасы /Құраст. Г.З. Абишева, Қ.А. Мұхамеджан, Е.В. Ахметова және басқалары - Қарағанды: ҚарМУ баспасы, 2019. - 24 б.
2. Қарағанды облысының білім беру ұйымдарының оқушылары үшін сыбайлас жемқорлыққа қарсы ойлауды қалыптастыру бойынша «Адал Ұрпақ» курсының бағдарламасы. - Қарағанды: ОӘО РО КО, 2018. - 48 б. 7-11 сынып оқушыларына арналған және жылына 7 сағатқа есептелген.
3. Медиация саласындағы оқытушылар мен оқушыларға арналған оқу бағдарламалары төмендегі нұсқаулықтарда келтірілген: Медиациалық қызметтердің жұмысын ұйымдастыру: Нұсқаулық. / Құраст. Г.С.Копбаева, Э.М. Антипкина, Е.А. Горбатова және басқалары - Қарағанды: ҚарМУ баспасы, 2019.-50 б.
Барлық бағдарламалар білім беруді дамытудың оқу-әдістемелік орталығының сайтында umckrg.gov.kz «Ақпарат» бөлімінде, «Әдістемелік ұсыныстар» рубрикасында орналастырылған.
Бағдарламаны іске асырудың негізгі бағыттары:
1. Жаңа қазақстандық патриотизм мен азаматтыққа тәрбиелеу, құқықтық тәрбие.
2. Рухани- танымдық тәрбие.
3. Ұлттық тәрбие.
4. Отбасылық тәрбиесі.
5. Еңбек, экономикалық және экологиялық тәрбие.
6. Көпмәдениетті және көркем –эстетикалық тәрбие.
7. Зияткерлік тәрбие, ақпараттық мәдениет тәрбиесі.
8. Дене тәрбиесі, салауатты өмір салтын қалыптастыру.
Контакты
