Мінеки табиғаттың ерекше құбылып, айналамыз cары түске боялатын, қамбамыз астыққа толатын, бәріміз асыға күтетін, сағындырған сырмен көңілге қуаныш, асқарлы үміт сыйлайтын, баршамызға шашылған сары нұрымен шуақ болып тарайтын берекелі мезгіл күз айы да келді.

        Күз айы мерекелі ай. Қырман толып, халқымыздың ырысы артатын берекелі ай. Келесі күзге дейін жүрегімізде есте қалатындай арман сезімін себелейтін, үнемі асқақ мұраттарға жетелеп отыратын қасиетті ай.

      Қазан айында М. Жұмабаев атындағы №39 гимназиясында 2-7 сыныптар арасында «Алтын күз берекесі» жәрмеңкесі өтті. «Алтын күз берекесі» жәрмеңкесіне  бірқатар сыныптар белсене қатысты. Оның ішінде 4 «а»,4 «б», 5 «а», 5 «ә», 6 «б», 3 «а» сынып оқушылыры  жәрмеңкеде жақсы дайындықтарын көрсетіп, пісірілген тәтті тоқаштарын, қолдан жасалған затттар және жеміс – жидектен жасалған ыдыс және қуыршақ үлгілерінде  жасап мол дайындап әкелген. Сонымен қатар 5 «б» сынып жетекшісі Р.Б.Бугибайқызының ұйымдастыруымен оқушылар  күздік  киім үлгілерін дайындап киіп, плакаттар жасап жаксы белсенділік танытты. Жәрмеңкеде әрбір сынып ата-аналары өте жақсы дайындалып  жәрмеңкеге өз үлестерін қосты.

         Әр сынып жәрмеңкеге  дайындаған дастархандары көз тартып, күздің жеміс-жидегіне толып, тағамның  барлық түрлерін тарту етті . Сырттан келген ата-аналар да ұстаздар мен оқушылар да  жемістен жасалған түрлі заттарды, тәтті тағамдарды  сатып алып жатты.

       Жәрмеңкеде белсенділік танытып, қол өнерін көрсеткен сыныптар марапатқа ие болды. «Алтын  күз  берекесі» атты жәрмеңке қорытындысы бойынша  «Ақниет» қамқорлық көрсету акциясы негізінде  қарттар үйі мен жетім балалар үйіне көмек  көрсетілді.