“Егер мен гимназия президенті болсам...” Мектептің президенті болу да жауапкершілігін сезіне білсең, ел басқарудан кем емес. Себебі бір жанұяны басқара алмаған адам, ешуақытта елді басқара алмайды демекші бір мектептің оқушылары саған қарап бой түзеген кезде сен өзіңді қалай ұстау керек екенін білуің керек. Мектеп оқушыларын қалай тәрбиелеу керек екенін білмесем де, қандай оқушыларды көргім келетінін білемін. Болашақ жастардікі екенін жақсы сезінгендіктен, жастардың жанып тұрғанын қалаймын. Оқушылардың қолынан келмейтін нәрсе жоқ, тек жұмылдыратын басшы болса. Әл Фараби айтпақшы, «Тәрбиесіз берілген білім, адамның қас жауы» деген. Оқушылар бойынан мейірімділікті, адалдықты, іскерлікті көргім келеді. Бала өзі қаламаған іске ешуақытта бармайды.Сондықтан оқушылардың, оның ішінде ер балалардың ұйымдастырғыштық қабілетін әрі қарай шыңдауға жұмылдырса деп ойлаймын. Мектептегі жоспарланған жұмыстарды орындауға атсалысудың өзі оқушылардың өмірге деген көзқарасын өзгертеді. Қазіргі заман талабына сай ақпараттық технологияға бейімі бар оқушылар көп. Соларға да түрлі топтар құра отырып, гимназияның әр түрлі жұмыстарына жұмылдырсам деймін. Сондықтан маған дауыс беріңіздер! Сенімдеріңізді ақтаймын! #Maǵan_daýys_ber