Егер мен гимназия президенті болсам... Мектеп- біздің екінші үйіміз. Ал мектебіміздің дамуы мен оның алға қарай көркеюі тек қана біздің қолымызда. Адам баласы мектепке тек қана сапалы білім алу үшін ғана емес, сонымен қатар оны дамытуға да атсалысқаны жөн. Егер де өз мектебімізге үлесімізді қосқымыз келсе, ең бірінші жан-жақты болуымыз қажет. Түрлі жарыстарға қатысып, мектебіміздің даңқын әрдайым биікке көтеруіміз керек. Егер де мен президент болсам, ең алдымен өз-өзіме сұрақ қояр едім. Мен лайықпын ба? Президент болу үшін адам бойында талпыныс, жаңа ой, білімділік, үлкен жауапкершілік және жан-жақтылық болу қажет. Президент болу екінің бірінің қолынан келе бермейді. Менің президенттікке сайланған себебім, гимназиямыздың жаңа сатыға қадам басқанын қалаймын. Яғни, мектеп оқушылары тек қана біліммен шектеле қоймай, гимназиямызда түрлі жарыстар, есте қаларлық концерттер өткізіп, оқушылардың мектепке деген қызығушылығын арттырғым келеді. Әрине, мен бұл міндеттерді атқармас бұрын өз-өзімнен бастауым қажет. Егер де президент жауапкершілігі, талпынысы жоқ болса, онда ештеңе шықпайды. Сондықтан да, гимназияның қарыштауы әлі алда, мен оған әрқашан да сенімдімін және әрқашан да оны қолдаймын! Сондықтан маған дауыс беріңіздер! Сенімдеріңізді ақтаймын! #Maǵan_daýys_ber