ҰБТ – оқушылардың 11 жылғы алған білімінің, мұғалімдердің еңбегінің жемісі. ҰБТ жақсы тапсыру оқушының тек білім жағынан ғана емес, жан-жақты отбасылық тұрғыдан да дайындықты қажет етеді. Әр ата-ананы өз баласының тағдыры толғандыратындығын барлығымыз түсінеміз. Әрбір ата-ана өз баласының өмірі жақсы болғандығын, сондай-ақ мектепті сәтті аяқтап, ҰБТ-ден жоғары нәтиже көрсетіп, ЖОО түсуін қалайды. ҰБТ-ді сәтті, нәтижелі тапсырып шығуы отбасындағы мүшелер арасындағы жылы қарым-қатынас пен отбасындағы ахуалға да байланысты. Өйткені қазақ халық даналығы: «Ұлы жол үйiңнiң табалдырығынан басталады», - дейді. Сол себепті бүгін 11 сынып оқушыларының ата-аналарына арналған Zoom желісі арқылы тренинг өтті. «Оқушылардың ҰБТ-ді сәтті тапсыруына ата-ананың ықпалы» тақырыбында гимназия психологы Кошанова Меруерт Қайратқызының тарапынан кеңестер мен ұсыныстар берілді. Жиналысқа 11 сынып жетекшілері де қатысты. Тренинг соңында ата-аналар сәттілік тілеп, алғыстарын білдірді. #Балаларыңыз_ҰБТ_сәтті_тапсырып_қуанышқа_бөлей_берсін!