Қазақстан Республикасында Тілдерді қолдану мен дамытудың мемлекеттік бағдарламасы Қазақстан Республикасы Конституциясының 93-бабына, «Қазақстан Республикасындағы Тіл туралы» Қазақстан Республикасы Заңының 23,25-баптарына, Қазақстан Республикасы Президентінің 1996 жылғы 4 қарашадағы өкімімен мақұлданған Қазақстан Республикасының Тіл саясаты тұжырымдамасына, ел Президентінің Қазақстан халқына арналған «Қазақстан – 2030» Жолдауына сәйкес әзірленген. Бағдарламаны әзірлеудің көкейкестілігі қоғамдағы тіл проблемаларын шешу жөнінде кезек күттірмейтін шаралар қолдану үрдісіне мемлекеттік қолдаудың қажеттілігімен айқындалады. Соңғы кезде осы салада біршама әлеуметтік мақсатты жұмыстар атқарылуда.

        Тіл мәселесін оңтайлы шешу ұлтаралық қатынастар үйлесімділігінің, халықтардың топтасуы мен қоғамдық келісімді нығайтудың факторы болып табылады. Тілдерді дамыту – Қазақстан Республикасы Мемлекеттік саясатының өзекті бағыттарының бірі. Бағдарламаның мақсаты – Қазақстан Республикасында Мемлекеттік тіл мен басқа да тілдердің дамуы үшін қолайлы жағдай туғызу.

         Қазақстан Республикасының Мемлекеттік тілі – қазақ тілі. Мемлекеттік тіл қоғамдық қатынастың барлық саласында қолданылатын мемлекеттік басқару, заң шығару, сот ісін жүргізу тілі болып табылады.

         Мемлекеттік тілді меңгеру – Қазақстан Республикасының әрбір азаматының парызы десек, жоғарыдағы бағдарламаны жүзеге асыру мақсатында №39 гимназияда түрлі іс-шаралар жоспары жасалынып, оның жүзеге асырылуы ұдайы бақылануда. Соның бірі – жас ұрпақты патриоттық рухта тәрбиелеу, өскелең ұрпақ бойына Отанға, халқына, ұлттар достығына деген мақтаныш сезімдерін қалыптастыру мақсатында 11-20 қыркүйек аралығында Тілдер мерекесіне арналған «Тіл – халық айнасы» атты тақырыпта онкүндіктің ашылуына орай салтанатты жиын өтті.

          Елбасы Н.Ә.Назарбаев: «Қазақстан бүкіл әлем тарапынан тұрғындарының басым бөлігі кем дегенде ұлт үшін ең маңызды үш тілді: қазақ тілін – мемлекеттік тіл ретінде, орыс тілін – этносаралық тіл, ағылшын тілін - әлемдік экономикаға сәтті интеграциялану тілі ретінде пайдаланатын жоғары білімді ел санатында қабылдануы тиіс»,-деп «Тілдердің үш тұғырлылығы» мәдени жобасын жүзеге асыруды өз жолдауында жариялаған болатын. Соған сәйкес, гимназияда белгіленген әрбір мерекелік іс-шара үш тіл аясында өтті.

       «Мектеп тынысы»  газетінің редакторы М.Альжанова  «Менің елім – Қазақстан» тақырыбындағы жаңа технология әдісімен өрнектелген қабырға газетін шығарды.    Онда «Тілім – тұғырым» шығармалар конкурсында жүлделі орын алған оқушылар шығармашылықтары жарияланды. «Тілім – тұғырым» шығармалар конкурсына 5-11-сыныптардан 23 оқушы қатысты.

І орын – 9А сынып оқушысы Бекболатова Аяулым;

ІІ орын – 11Б сынып оқушысы Жантемірова Ардақ;

ІІІ орын – 6Ә сынып оқушысы Мұстафина Аяулым.

         «Бір шаңырақ астында», «Қазақстан – достық мекені» деген атпен 1-6-сыныптар арасында суреттер көрмесі өтті.Онда:

І орын – 6 Б сынып оқушысы Оразбек Арсен;

ІІ орын – 1Б сынып оқушысы Базылбек Мағжан;

ІІІ орын – 5Ә сынып оқушысы Артықбаева Томирис,

                 6Әсынып оқушысы Қуаныш Нұртілеу.

      «Қазақстан - достық мекені» атты өнеге сағаттары барлық сыныптарда өтті. Ағылшын тілінде 8-сыныптар арасында М.Касимова «ХХІ ғасыр көшбасшысы» зияткерлік ойыны өткізсе,6-сыныпта А.Монтаеваның ұйымдастыруымен «How is your English?» тақырыбында, 9-сыныпта  Б.Адамованың ұйымдастыруымен «A language world»  тақырыбында сайыс сабақ өтілді.З.Ошыбаева 10-сыныпта оқушыларды басқа ұлттардың тілін құрметтеуге үйрету, шығармашылық қабілеттерін қалыптастыру,бір-біріне деген қарым-қатынастарын қалыптастыру мақсатында сайыс сабақ өткізді. Мұнда:

1 орын- 10 «А»  145балл

2 орын- 10 «Ә»  135балл

3 орын- 10 «Б»   70балл

        Ахмет Байтұрсыновтың туғанына 140 жыл толуына байланысты кітапханашы М.Альжанова  мен қазақ тілі мен әдебиеті мұғалімі Р.Абдирова оқырмандар конференциясын ұйымдастырып, оқушылар үш тілде пікірсайыстар жүргізді. Оған 10,11-сынып оқушылары қатысып, баяндамалары мен арнау өлеңдерін оқыды.

          М.Ботаканова, Б.Баспақовалар  «Тіл – халық айнасы» атты  қорытынды кешті ұйымдастырып, онкүндік барысында өткен іс-шаралар қорытындыланды. Жүлделі орын алған оқушылар марапатталды.

            Тіл мамандары тілдерді дамыту және оның аясын кеңейту мақсатында бірлесе жұмыс атқаруда.