Мамыр айының 19 күні Мағжан Жұмабаев атындағы №39 гимназияның 4 «ә» сыныбында«Қош бол, аяулы бастауыш мектебім!» атты тақырыпта бастауыш мектеппен қоштасу ертеңгілігі өтті.

Сынып жетекшісі - Нуржигитова Айман Мухсиновна - біліктілігі жоғары деңгейдегі жоғарғы санатты бастауыш сынып мұғалімі.

Педагогикалық өтілі - 33 жыл. Осы білім шаңырағында 20 жылдан астам уақыт еңбек етіп келеді.

Мақсаты:

1. Шәкірттердің бойында  білімнің алғашқы баспалдағы бастауыш мектептен басталатынын, бастауышта алған білімнің негіз болып қаланатындығын жеткізу және білімге деген құштарлығын арттыра отырып, шығармашылыққа, өнерлілікке, іздемпаздыққа шақыру.

2. Бастауыш сыныбымен, алғаш қолына қалам ұстатқан алғашқы ұстазымен, өзге пәндерден берген ұстаздарымен қоштаса отырып, орта буында дәріс беретін ұстаздармен таныстыру, әр баланың ерекшелігін таныта отырып, сәт-сапар тілеу.

3.  Білім берер ордасы – мектепті, ұстаздарын құрметтеп, білімге деген құштарлығын арттыру. Әр шәкіртті  Отанына деген сүйіспеншілікке, ата-анасының қадірін жете түсінуге, адамгершілікке тәрбиелеу.

Кешті оқушылардың өздері басқарып, алғашқы ұстазына және өзге пәндерден берген мұғалімдеріне тақпақтар мен ән-күй, би өнерлерін тарту етті. Кешті тамашалауға мектеп әкімшілігі, ата-аналар және мектеп ұстаздары қатысты. «Қош бол, аяулы бастауыш мектебім!» бастауышпен қоштасу ертеңгілігі өте тартымды, қызықты өтті. Ата-аналар алғыстарын білдірді.