Мектебімізде «Сылдырла, сыңғырла соңғы қоңырау!» атты мерекелік кеші ҚР Әнұранымен ашылып, «Шолпан» би ансамблі би билеп, «Мектеп», «Ұстаз» әндері шырқалып, түлектер мектепке деген жүрек жарды арнауларын оқып, 4 сынып бүлдіршіндері құттықтауларын білдіріп кеш сәнімен өтті. Мерекелік кешке ата-аналар, қонақтар қатысып, сөз сөйлеп түлектерге баталарын беріп, ақжол тіледі. Жүргізушілеріміз соңғы қоңырау кешінде Қазақстандағы тарихи кезеңдерге  де тоқтала кетті.

    Сонымен қатар, 2011-2011  оқу жылындағы Алтын белгіге, ерекше аттестатқа үміткерлер және «Жыл оқушысы -2012» жеңімпаздары аталып, марапатталды. «Гимназия мақтаныштары» деп түлектердің жеткен жетістіктері  аталып айтылды.  Кеш соңында түлектер көк аспанға қолдарындағы шарларын ұшырды. Он бір жыл бойы білім нәрімен сусындатқан алтын ұя мектебі  11 сыныптың 44 оқушысын өмірдің үлкен белесінің табалдырығын аттауға тілектерін білдіріп, мерекелік кештен кейін бастауыш мұғалімдері  Қ.Н. Жыланбаева мен Ж.Д. Нұхридинова  түлектерге «Соңғы қоңырау, соңғы сабақ» тақырыбында сабақ өткізді. Түлектер  балалық кездеріне қайта оралғандай,  алғаш мектеп табалдырығын аттаған кездеріндегі суреттерінен жасалған презентацияларын тамашалап,  қуаныштарында шек болмады.

     Мерекеге арнайы шақырылған қонақтар   мектеп тарихымен, атқарылған іс-шаралармен, оқу бөлмелерін  аралап, танысты.

  Екінші ауысым үшін соңғы қоңырау мерекесі сағат 12.00-де өткізілді. Гимназия директоры  Базыл Жангелді Сағынтайұлы  оқушыларға сәттілік тілеп, оқу жылында  жақсы жетістіктер көрсеткен сыныптарға, оқушыларға алғыс білдірді.