Бүгін гимназиямыздың 8 «А» сынып оқушылары тұрмыстық қалдықтарды сұрыптап жинау және оларды қайта өңдеу жұмыстарымен танысу мақсатында қаламыздағы «Экокомфорт» клинингтік компаниясының өкілдерімен кездесіп қайтты. Кездесу барысында компания өкілдері оқушыларға қатты күйдегі тұрмыстық қалдық заттарды сұрыптап жинау және оларды қайта өңдеудің маңызы жайлы мағлұмат берді. Оқушылар қалдықтарды қайта өңдейтін құрылғылардың қызметімен танысып, өздерін қызықтыратын сұрақтарға жауап ала алды.