«Қаржылық сауаттылық апталығы» аясында 19 ақпан күні гимназиямызда КСЖ «Халық Life» компаниясының «Life-БИЗНЕС» сақтандыру, «LIFE-ИНВЕСТ+» қаржы жинау бағдарламасын түсіндіру жұмыстары жүргізілді. Кездесудің басты мақсаты – оқушыларды экономикалық мәдениетпен, қоғамның экономикалық даму заңдылықтарымен таныстыру, іскерлікке,қаржылық сауаттылыққа тәрбиелеу, еңбек ете білуге, өзін және өзгелерді рухани - материалдық құндылықтармен қамтамасыз ететін өз елінің патриот азаматы болуға қаруландыру. Кездесу барысында оқушылар белсенділік танытып, өздерін қызықтыратын сұрақтарына жауап алды. «Ең қызықты сұрақ» айдары бойынша мазмұнды сұрақ қойған оқушылар ұйымдастырушы тарапынан арнайы сыйлықтармен марапатталды. Дәріс жүргізген Халелова Шайзадаға алғысымызды білдіреміз!