Мемлекет басшысы Қасым-Жомарт Тоқаев ағымдағы жылдың мамырында 2020 жылы Абай Құнанбаевтың 175 жылдық мерейтойын мерекелеу туралы Жарлыққа қол қойғаны белгілі. Гимназияда осы мақсат аясында қазақтың мақтанышы Абай атамыздың құрметіне 10-сынып оқушыларына арналып, «Абай мұрасы – халқымыздың сарқылмас асыл қазынасы» тақырыбында дәріс-диалог ұйымдастырылды. Ой бөліскен – «Өрлеу» БАҰО» АҚ филиалы Қарағанды облысы бойынша ПҚ БАИ аға оқытушысы Айткенова М.Б. Дәріс-диалог ҚР Президенті Қасым-Жомарт Кемелұлы Тоқаевтың «Абай және XXI ғасырдағы Қазақстан» атты мақаласын талқылауға арналды.

Мемлекет басшысының ұлттық-стратегиялық және мемлекеттік-идеологиялық бағытта жазылған мақаласының өзегі – ақыл-ойдың алыбы, адамзаттың данышпаны атанған ұлы ақын, қазақтың дана тұлғасы Абай Құнанбайұлының 175 жылдығына байланысты Абайды тану мәселесі.

Осы орайда мемлекет басшысының өзекті он ойы талданып, Абайдың шығармаларын оқып, санаға сіңіру  қажеттігі – Абайға деген құрмет әрі өзін-өзі тәрбиелеудің тиімді тәсілі екені түсіндірілді.

#Абай_мұрасы_халқымыздың_сарқылмас_асыл_қазынасы