Биыл Абай Құнанбайұлының туғанына 175 жыл.  Халқымыздың ұлы перзентінің мерейтойын лайықты атап өту үшін  Мемлекет көлемінде және халықаралық деңгейде ауқымды іс-шаралар жоспарланып отыр. Абай атамыздың торқалы тойына қатысты жалпыхалықтық іске қаламыздың Облыстық Бейнелеу өнері мұражайындағы «Дана Абай, Дара Абай» көрмесінің ашылу салтанатында гимназиямыздың 6 «Б» сынып оқушылары саяхатта болып қайтты. Көрмеге хәкім Абайдың қырыққа жуық портреті қойылған. Қылқалам шеберлері қазақтың бас ақынын әр қырынан суреттеуге, ұлы тұлғалық сипатын ашуға тырысқан. Бұл туындылардың барлығы мұражай қорынан алынған. Музей басшылығы тың дүниелерді салуға тапсырыс беретіндерін, көрменің 20 қаңтарға дейін жалғасатынын, дегенмен, Абайтану шаралары мұнымен шектелмейтінін айтты.

Іс – шарада гимназия оқушылары Манарбек Нұрайым,  Ахмет Мәди, Жеңісбек Ақерке, Төкен Ислам  Абайдың  мол мұрасы - қара сөздерінен  жатқа айтса, Жұмажанова Айым, Мұсаева Ясина, Бағдат Мерей ақын өлеңдерін мәнерлеп оқып  өз білімдерін көрсетті. Тасболат Ислам қазақтың қара домбырасымен «Ерке сылқым» күйін тартып, Аугалиева Дамира «Қазақ  елі» әнін орындап, қонақтардың қошеметіне бөленді.

Мұражайдан көрген жәдігерлері оқушылар естерінде қалары сөзсіз және де саяхатқа келу тәрбиелік мәні зор іс.